ନୂଆବର୍ଷ
ନୂଆବର୍ଷ
ନୂଆ ବରଷ ହେ ନୂଆ ବରଷ
ଘରଣୀଙ୍କ ଆଜି କଡା ଆଦେଶ
ସହଳ ସହଳ ଶେଯ ଛାଡି ଯାଇ
ଆଣିବାକୁ ଭଲ ଖାସି ମାଉଁଶ
ନୂଆ ବରଷ ହେ ନୂଆ ବରଷ ।
ବରଷକ ପରେ ଏ ଶୂଭ ଦିନ
ସ୍ବାଗତ ପାଇଁକି ଧରା ଉଛନ୍ନ
ପହିଲି ଦିନରେ ଆଇଁଶ ନହେଲେ
ବରଷଟା ସାରା ହେବ ହବିଷ
ଘରଣୀଙ୍କ ଆଜି କଡା ଆଦେଶ ।
ନୂଆ ବରଷରେ ମଧୁର ରଡି
ରେଜେଇ ଭିତରୁ ମୁହଁକୁ କାଢି
ଧାଇଁ ଯାଇ ବାବୁ ଆଇଁଶ ହାଟକୁ
ଗହଳିକୁ ଦେଖି ହେଲେ ହତାସ
ନୂଆ ବରଷ ହେ ନୂଆ ବରଷ ।
ମଢ ପାଖେ ଯେହ୍ନେ ଚିଲ ଶାଗୁଣା
ଲୋକମାନେ ଆଜି ହୁଅନ୍ତି ବଣା
ଭଲଭେଲ କିଛି ଦେଖିବା ଆଗରୁ
ଛେଳି ମେଣ୍ଢା ସବୁ ହୁଅନ୍ତି ଶେଷ
ନୂଆ ବରଷ ହେ ନୂଆ ବରଷ ।
ମାଉଁଶ ଦୋକାନୀ ସାଉଁଳି ନିଶ
ମନ ଭରି ଆଜି ହସୁଛି ହସ
ପଣେ ମାଈ ଛେଳି ବିକିବ ରିଖିଛି
ଗରାଖଙ୍କୁ କହି ଖାସି ମାଉଁଶ
ନୂଆ ବରଷ ହେ ନୂଆ ବରଷ ।