ଲାଇବ୍ରେରୀ
ପ୍ରୋଫାଇଲ୍
ମୋତେ ଭାରି ଭଲ ଲାଗେ
ମୋତେ ଭାରି ଭଲ ଲାଗେ
1 min
216
ମୋତେ ଭାରି ଭଲ ଲାଗେ
ବର୍ଷାରେ ଭିଜିବାକୁ
ଭିଜି ଭିଜି ହଜିବାକୁ
ହଜି ହଜି ମଜିବାକୁ
ମାଟିର ଗନ୍ଧରେ
ମୋ ଗାଁ ବନ୍ଧରେ
ପ୍ରକୃତିର ଛନ୍ଦରେ
ପିଲାବେଳେ ଭିଜୁଥିଲି
ସ୍କୁଲରୁ ଫେରିଲାବେଳେ
କାଗଜ ଡ଼ଙ୍ଗାର ମୋହରେ
ମାଛ ଧରିବା ଆଶାରେ
ସାର୍ଟକୁ ବାନ୍ଧି ମୁଣ୍ଡରେ
କେତେ ଯେ ନାଚିଛି
କେତେ ଯେ ଖେଳିଛି
ମାଡ ଗାଳି ବି ଖାଇଛି
ତଥାପି ଭିଜିଛି ଆଉ ଭିଜିଛି
କଲେଜ ଯିବା ବାଟରେ
ସହପାଠୀ ସାଙ୍ଗରେ
କେତେ ଯେ ଭିଜିଛି
ହିସାବ ନାହିଁ ତାର
ଟିପି ଟିପି ପାଣିରେ
ଦେହ ଭିଜୁ ନଥିଲା
ମନ ଭିଜୁ ଥିଲା
ଅଜଣା ପୁଲକରେ
ଅଜଣା ଆଶଙ୍କାରେ
ତଥାପି ଭିଜିଛି ଆଉ ଭିଜିଛି
ଆଜି ବି ଭିଜୁଛି
ବର୍ଷାରେ ଲୁହରେ ଲହୁରେ
ସଂସାର ମୋହରେ
ପ୍ରତିଷ୍ଠାର ନିଶାରେ
ସମାଜର ଆଖିଠାର
ପ୍ରଭାବ ପଡୁନି ମୋ ଉପରେ
ଜୀବନ ଜୀବିକାର ସନ୍ଧିକ୍ଷଣରେ
ତଥାପି ଭିଜୁଛି ଆଉ ଭିଜୁଛି
