କହି କିଛି ଲାଭ ନାହିଁ

ମିଛ ଏଠି ଦେଖ ପସରା ମେଲିଛି

ସତ୍ୟର ବିକ୍ରୟ ନାହିଁ

ସତ କହି ଲୋକ ନିଜେ ସଜା ପାଏ

ଠକିବା ଲୋକର ଜୟୀ

କହି କିଛି ଲାଭ ନାହିଁ ।

କ୍ଷୀରକୁ ନିଅନ୍ତି ତିନି କିଲୋମିଟର

ବିକ୍ରୟ କରିବା ପାଇଁ

ମଦକୁ ପିଅନ୍ତି ଘରକୋଣେ ଯାଇ

ହକ୍ ପଇସା ଦେଇ

କହି କିଛି ଲାଭ ନାହିଁ ।

ଦୋଷୀ ଲୋକ ଏଠି ଖସି ଯାଉଅଛି

ପକେଟ୍ ଗୁଞ୍ଜଣା ଦେଇ

ନିର୍ଦ୍ଧୋଷୀ ଲୋକର ଆହା ସାହା ନାହିଁ

ହାଜତେ ଚକି ପେଷଇ

କହି କିଛି ଲାଭ ନାହିଁ ।

କୁଆଁରୀ ଝିଅଙ୍କୁ ବର ଜୁଟୁ ନାହିଁ

ହାତେ ଧନ ନାହିଁ ବୋଲି

ତିନି ଛୁଆର ମାଆ ପ୍ରେମେ ଅନ୍ଧ ହୋଇ

ସ୍ଵାମୀକୁ ଛାଡି ଯାଏ ଚାଲି

କହି କିଛି ଲାଭ ନାହିଁ ।

ପେଟ୍ରୋଲ ଲିଟର ହେଉ ଦେଢ଼ଶହ ଟଙ୍କା

ଗାଡି ଚଢା କମ୍ ନାହିଁ

ଖାଇବା ତେଲ କେଜି ଦୁଇଶହ ଟଙ୍କା

ଚାଷ କରିବାକୁ ମନ ନାହିଁ

କହି କିଛି ଲାଭ ନାହିଁ ।

ଧାନ କିଳୋ ହେଲା କୋଡ଼ିଏଟି ଟଙ୍କା

ଚାଷୀ ମୂଳ ପାଏ ନାହିଁ

ଟଙ୍କା ଗୋଟିଏ କୁ ଏକ କିଲୋ ଚାଉଳ

ଏଇଠି ମିଳୁଛି ଭାଇ

କହି କିଛି ଲାଭ ନାହିଁ ।

ଜନ୍ମଦାତା ଆଜି ଭିକ ମାଗି ବୁଲେ

ଚାରିପୁଅ ବୋହୂ ଥାଇ

ଘରଜ୍ଵାଇ ଦେଖ ଶାଶୁଶ୍ୱଶୁରଙ୍କୁ

ଆନନ୍ଦେ ସେବା କରଇ

କହି କିଛି ଲାଭ ନାହିଁ ।

କିଶୋର କିଶୋରୀ ପ୍ରେମେ ହେଲେ ବାଇ

ନାବାଳକ ଛାତ୍ର ଥାଇ

ବାପାମାଆ ଙ୍କୁ କିଏ ପଚାରୁଛି

ସ୍ମାର୍ଟ୍ ଫୋନ୍ କଲା ବାଇ

କହି କିଛି ଲାଭ ନାହିଁ ।