ସହଧର୍ମିଣୀ

ବୟସ ଚକ୍ରରେ ସୋପାନ ଚଢି ମୁଁ

ଯୌବନରେ ଉପଗତ

ସୃଷ୍ଟିର ସର୍ଜନା ମନର ଭାବନା

ଏକତ୍ରିତ ଦୃଢିଭୂତ ।

ସାମାଜିକ ରିତି ବିଧି ଅନୁସାରେ

କନ୍ୟା କରିଣ ଚୟନ

ପିତାମାତା ବନ୍ଧୁ ପରିଜନ ଡାକି

ବିଭା କରାଇଲେ (ମୋତେ) ପୁଣ ।

ହାତ ପରେ ହାତ ଛନ୍ଦି ଦେଇଗଲେ

ପିତାମାତା ତୁମ ଆମ

ପତିପତ୍ନୀ ରୁପେ ସ୍ଵିକୃତି ମିଳିଲା

ହୋଇ ବିବାହ ବନ୍ଧନ ।

ତୁମେ ହେଲ ମୋର ଅଙ୍କଶାୟିନୀ

ସୁଖେ ଦୁଃଖେ ପ୍ରଣୟିନୀ

ସବୁ କାର୍ଯ୍ୟେ ମୋର ପଥ ପ୍ରଦର୍ଶୀକା

ତୁମେ ମୋ ସହଧର୍ମିଣୀ ।

ଅନେକ ନାମରେ ପରିଚିତା ତୁମେ

ପ୍ରିୟା ସ୍ତ୍ରୀ ଓ ଧର୍ମପତ୍ନୀ

ପରିବାରେ ତୁମ ଗୁରୁତ୍ବ ଭୂମିକା

ସନ୍ତାନଙ୍କର ଜନନୀ ।

ତୁମ ହାତଧରି ଲଭିଲି ପୌରୁଷ

ଦେଲ ପିତା ପରିଚୟ

ସଂସାରର ନାବ ବାହିବା ବିଷମ

ତୁମ ବିନା ଦୁଃଖ ମୟ ।

ଜୀବନ ଯାତ୍ରାରେ ସାଥେ ଥିଲେ ତୁମେ

ସଦା ଜୟ ବିଜୟିନୀ

ସହଯୋଗୀ ବୋଲି ନାମ ହେଲା ତୁମ

ସଂସାରେ ସହଧର୍ମିଣୀ ।