ଭକ୍ତ ହନୁମାନ
ଭକ୍ତ ହନୁମାନ
ଜୟ ଜୟ ହନୁମାନ ପବନ ନନ୍ଦନ
ଅଞ୍ଜନା ଗର୍ଭ ସମ୍ଭୁତ ଭକତ ପ୍ରଧାନ ।
ଜୟ ଜୟ ବଜରଙ୍ଗୀ କେଶରୀ ନନ୍ଦନ
ଜୟ କପି ଶ୍ରୀରାମଙ୍କ କଷଣ ମୋଚନ ।
ରୁଦ୍ର ଅବତାର ତୁମେ ଶ୍ରେଷ୍ଠ ପରାକ୍ରମ
ଆବାଲ୍ଯ ବ୍ରହ୍ମଚାରୀ ହେ ବୀର ହନୁମାନ ।
ଅଯୋଧ୍ୟା ନରେଶ ଜ୍ଯେଷ୍ଠ ସୂତ ରାମଚନ୍ଦ୍ର
ପିତୃସତ୍ୟ ପାଳି ଗଲେ ଗହନ ବନସ୍ତ ।
ଚତୁର୍ଦ୍ଦଶ ବର୍ଷ ସେହୁ ହେଲେ ବନଚାରୀ
ସଙ୍ଗତେ ଛନ୍ତି ଲକ୍ଷ୍ମଣ ଜନକ କୁମାରୀ।
ଚିତ୍ରକୁଟ ପର୍ବତରୁ ପଞ୍ଚବଟୀ ଗଲେ
ସୀତା ହରାଇଣ ରାମ କିସ୍କିନ୍ଧା ଗମିଲେ ।
ପ୍ରଭୁ ଭକ୍ତ ଭେଟିବାର ବିଧିର ବିଧାନ
ଭକ୍ତ ଶ୍ରେଷ୍ଠ ତୁମକୁ ଭେଟିଲେ ଭଗବାନ।
ସୁଗ୍ରୀବ ସଙ୍ଗେ ପ୍ରଭୁ ରାମ ମଇତ୍ର ହୋଇଲେ
ସୁଗ୍ରୀବର ଭାଇ ବାଳୀ ବୀର ବଧ କଲେ ।
ସେହିଠାରୁ ପ୍ରଭୁ ଭକ୍ତ ହୋଇ ଏକତ୍ରିତ
ବାନର ସେନା ସୁଗ୍ରୀବ ବୀର ହନୁମନ୍ତ ।
ରାମ ସଙ୍ଗେ ବଇଦେହୀ ଅନୁଜ ଲକ୍ଷ୍ମଣ
କ୍ରମେ ଯାଇ ପହଞ୍ଚିଲେ ପଞ୍ଚବଟୀ ବନ ।
ପୂର୍ଣକୁଟୀର ଏକ ସ୍ଵୟଂ ନିର୍ମାଣିଲେ
ବନବାସ ନିର୍ବାହିବା ମନରେ ଭାବିଲେ ।
ସୂର୍ପଣଖା ଛଳେ ରାମ ସୀତା ହରାଇଲେ
ଲଙ୍କାର ରାବଣ ହସ୍ତେ ହରଣ ହୋଇଲେ ।
ସୀତା ହରାଇଣ ରାମ ଅନୁଜ ଲକ୍ଷ୍ମଣ
ବୁଲିବୁଲି କିସ୍କିନ୍ଧାରେ ପ୍ରବେଶ ହୋଇଣ ।
ସୁଗ୍ରୀବଙ୍କ ସଙ୍ଗେ ଭେଟି ବୀର ହନୁମାନ ।
ସୀତା ଅନ୍ୱେଷଣେ ଗଲ ତୁମେ ହନୁମାନ
ରାମ ଆଜ୍ଞା ପାଳି ଲଙ୍କା କରିଲ ଗମନ ।
ରତ୍ନ ମୁଦ୍ରିକା ନେଇଣ ସୀତା ଠାବ କଲ
ସୁସମ୍ଵାଦ ନେଇ ସୀତା ସନ୍ତକ ଆଣିଲ ।
ଅଶୋକ ବନରେ ବଇଦେହୀ ଠାବକରି
ଲଙ୍କାଦହନ କଲ ହେ ବଜରଙ୍ଗବଳୀ।
ସେତୁବନ୍ଧ ବାନ୍ଧି ଲଙ୍କା ବୀର ଦଶାନନ
ବଦ୍ଧକରି ବଇଦେହୀ ଆଣିଲେ ବହନ ।
ବିଭୀଷଣଙ୍କୁଯେ ଲଙ୍କାରେ ଅଭିଷେକ କରି
ସଙ୍ଗେ ବିଭା କରାଇଲ ରାଣୀ ମନ୍ଦୋଦରୀ ।
ରାବଣ ବଦ୍ଧ କରିଣ ସୀତାଙ୍କ ଉଦ୍ଧାର
ତୁମ୍ଭ ସହଯୋଗେ କଲେ ପ୍ରଭୁ ରଘୁବୀର ।
ଶିବଙ୍କର ଅନ୍ଯରୂପ ରୁଦ୍ର ଅବତାର
ଚନ୍ଦ୍ରସେଣା ରୂପେ ଜନ୍ମିଥିଲ ହେ ଦ୍ଵାପର ।
ବୃଷଭାନୁ ଜେମାଙ୍କୁ ଯେ ପତ୍ନୀ ରୂପେ ପାଇ
ତାଙ୍କ ହାତରନ୍ଧା ଖାଇ ତୃପ୍ତି ମନ ହୋଇ ।
ତ୍ରେତୟାରେ ହନୁମାନ ପବନ ନନ୍ଦନ
ରାମ ଭକ୍ତ ରୁପେ ପ୍ରଭୁ ହୋଇଲ ଗଣନ ।
ଭକତ ପରୀକ୍ଷା ଦେଇ ନିଜ ଛାତି ଚିରି
ରାମ ସୀତା ଲକ୍ଷ୍ମଣଙ୍କୁ ଦେଖାଇଲ ହରି ।
ସେହି ଦିନୁ ଭକ୍ତ ଶ୍ରେଷ୍ଠ ବୀର ହନୁମାନ
ତବପାଦ ପଙ୍କଜରେ ପଶୁଛି ଶରଣ ।