କୋଣାର୍କ
କୋଣାର୍କ
ଚାରୁ ଚିତ୍ରପଟ କଳା ସ୍ଥାପତ୍ୟର
କୋଣାର୍କ ଟି ମୁକସାକ୍ଷୀ
ଉତ୍କଳ ପ୍ରଦେଶ ପର୍ଯ୍ୟଟନ କ୍ଷେତ୍ର
କାରୁକାର୍ଯ୍ୟ ମନଲାଖି । ୧ ।
ବାରଶ ବଢେଇ ନିହାଣ ମୁନରେ
ଖୋଦି କରିଥିଲେ ସୃଷ୍ଟି
ଅପରୂପ ତାର ସୌନ୍ଦର୍ଯ୍ୟ ଶିଳାଲିପି
ଦେଖି ହୁଏ ମନ ତୁଷ୍ଟି । ୨ ।
ବିଶୁ ମହାରଣା ବାରଶ ବଢେଇ
କରିଥିଲେ କଳାକୃତି
ଚନ୍ଦ୍ରଭାଗା ତୀରେ ମନ୍ଦିର ନିର୍ମାଣି
ରଖିଗଲେ ତାଙ୍କ ସ୍ମୃତି । ୩ ।
ମନ୍ଦିର ନିର୍ମାଣି ଚୁଳ ମାରିବାକୁ
ନୋହିଲେ କେହି ଭାର୍ଜନ
ରାଜାଙ୍କ ଆଦେଶ ହେବ ମୁଣ୍ଡକାଟ
ଚୂଳ ନ ମାରିଲେ ପୁଣ । ୪ ।
ବିଶୁ ମହାରଣା ଏକଇ ନନ୍ଦନ
ଧର୍ମପଦ ତାଙ୍କ ନାମ
ପିତାଙ୍କ ସନ୍ଧାନେ ଯାଇ ପହଞ୍ଚିଥିଲେ
ପିତା ବିଶୁଙ୍କ ସଦନ । ୫ ।
ବାରଶ ବଢେଇ ମୁଣ୍ଡି ନ ମାରିଲେ
ପ୍ରାତେଃ ହେବ ମୁଣ୍ଡକାଟ
ଶୁଣି ଧର୍ମପଦ ବିସ୍ମୟ ହୋଇଣ
ବତାଇଲେ ନିଜେ ବାଟ । ୬ ।
ଧରମା ଚଢିଣ ମୁଣ୍ଡି ମାରି ସାରି
ଡେଇଁଲେ ଅଥଳ ଜଳେ
ବାରଶ ବଢେଇ ମୁଣ୍ଡ ରହିଗଲା
କଥା ରହେ କାଳେ କାଳେ । ୭ ।