ବି. ନିରୁପମା

Comedy Drama Fantasy


5.0  

ବି. ନିରୁପମା

Comedy Drama Fantasy


ଯାଉ ତେଣେ ମନ୍ତ୍ରୀ ଗାଦି

ଯାଉ ତେଣେ ମନ୍ତ୍ରୀ ଗାଦି

1 min 303 1 min 303



ଚମ୍ପି ଆଈ କାଲି ସଅମ୍ପି ସଅମ୍ପି

କମ୍ପାଉଥିଲା ଯେ ଦାଣ୍ଡ ,

କାରଣଟା ତା'ର ଜାଣିବା ସକାଶେ

ଲୋକ ହୋଇଗଲେ ରୁଣ୍ଡ ।


ଅସଲ କଥାଟା ଜାଣିଲେ ତୁମର

କରତି ହୋଇବ ଛାତି ,

ଆଈ ଲାଗି ନିଶ୍ଚେ ମନରେ ଟିକିଏ

ଜାଗିବ ସହାନୁଭୂତି ।


ସ୍ୱପ୍ନ ଦେଖିଥିଲା-ଭୋଅଟରେ ଲଢ଼ି 

ମନ୍ତିରୀ ହୋଇବେ ଜୋଇଁ ,

କୋଠା ଘରେ ରହି ମଟର ଗାଡ଼ିରେ

ବୁଲିବେ ସେ ଘାଇଁ ଘାଇଁ ।


ଲୋକବାକ ତାଙ୍କୁ ଖାତର କରିବେ

ବାବୁଙ୍କ ଗହଳି ହେବ ,

ମନ୍ତିରୀ ଘରଣୀ ହୋଇଲେ ଝିଅର

ଦୁଃଖ ଯେତେ ଆପେ ଯିବ ।


ଭଳି ଭଳି ସିଏ ଶାଢ଼ି ଚୁଡ଼ି ସହ

ଗହଣା ଥାଆନ୍ତା ମଣ୍ଡି ,

ଲୋକଗୁଡ଼ା ତାଙ୍କୁ ଈର୍ଷା କରି କାଳେ

ଜାଣିଶୁଣି ଦେଲେ ଭଣ୍ଡି ।


ଭୋଅଟ ପାଇଲେ ପନ୍ଦର ଖଣ୍ଡ ସେ

ଅମାନତ ଗଲା ଉଡ଼ି ,

ସେଥିପାଇଁ ଆଈ ବାଇଆଣୀ ହୋଇ

କରୁଥିଲା ଘୋର ରଡ଼ି ।


'ଯେତେ ରଇଜଳା ,ଅଲାଜୁକି ତୁମେ

କନ୍ଦଉଛ ଆଜି ମୋତେ ,

ସାତ ଜନ୍ମ ଯାଏ ତୁମ ବଉଁଶରୁ

ମନ୍ତିରୀ ହେବେନି ଗୋଟେ ।


ପୋଡ଼ାମୁହାଁ ଆଉ ଯୋଗିନୀଖାଇଙ୍କୁ

ମିଳିବନି ଖାଇବାକୁ ,

ତୁମରି ଡିହରେ ବିଲୁଆ ନାଚିବେ

ନ ଥିବେ କେ କହିବାକୁ '।


ରଡ଼ି କରୁ କରୁ ଚାଳ ଘରେ ତା'ର

ଲାଗିଗଲା ତେଣେ ନିଆଁ ,

ଲୋକମାନେ ଦେଖି ପାଣି ପକେଇକି

ଶାନ୍ତ କଲେ ନିଆଁ ଧୂଆଁ ।


ଆଈ ପାଟି ସେବେ ଖନୀ ମାରିଗଲା

କହିଲା ଲୋକଙ୍କୁ କାନ୍ଦି ,

ଅକାରଣେ ଯାହା ତୁମକୁ ସଅମ୍ପି

କହୁଥିଲି କେତେ ଫାନ୍ଦି ।


ପାଇଗଲି ଏବେ ଫଳ ତା'ର ମୁହିଁ

ମୋ ଦୋଷକୁ ଧରନାହିଁ ,

କଥା ଦେଉଅଛି ତୁମରି ସାଥିରେ

ଶାନ୍ତିରେ ଚଳିବି ମୁହିଁ ।


କହିବିନି ଆଉ କଟୁ କଥା କେବେ

କାହା ହୃଦୟକୁ ବାଧି ,

ତୁମେ ସବୁ ମୋର ସୁଖ ଦୁଃଖ ସାଥୀ

ଯାଉ ତେଣେ ମନ୍ତ୍ରୀ ଗାଦି ।



Rate this content
Log in

More oriya poem from ବି. ନିରୁପମା

Similar oriya poem from Comedy