ଅସ୍ତରାଗ

ବିଶ୍ୱ ମଧୁମୟ ମଂଗଳ ବିସ୍ମୟ 

  ଭଦୟରୁ ଅସ୍ତରାଗେ

ଗୋଧୂଳି ଲଗ୍ନର ମହାସମାରୋହ

ରକ୍ତିମ ଚର୍ଚ୍ଚୀତ ବର୍ଣ୍ଣେ । 

ଅସ୍ତରାଗ ରେଣୁ ଗୋଗୋଷ୍ଠ ଧୂଳିରେ

 ଧୂସରିତ ଆଭା ଶୋଭେ

ଗହିର ବିଲର ବଂଶୀ ସ୍ୱରଧାରେ

   ଗାଁ କ୍ଷେତମୁହଁ ଦିଶେ। 

ମାଟି ମୋହାଚ୍ଛନ୍ନ ଦିଗ୍ ବଳୟ ତଳେ

  କୋଟିଉଛ୍ୱାସ ର ମନେ

ତରୁଶାଖାଡାଳେ ପକ୍ଷୀ ଶାବକର

  ଫେରନ୍ତାମା 'ର କୋଳେ। 

ଛାଇ ଆଲୁଅର ନୁଆଣିଆ ଚାଳ

 ଚଞ୍ଚଳ ଆଖିରେ ଚାହେଁ

ପ୍ରକୃତି ରାଣୀର ରୂପବତୀ  କନ୍ଯା

 ସନ୍ଧ୍ଯା ଅଲିଅଳି ଛୁଏଁ। 

 ଆକାଶ ବୁକୁରେ କେତେ ଚିତ୍ର ଅଙ୍କା

   ଭୂମି ପାଇଁ ଅଭିପ୍ପସାରେ

କନକ ଚମ୍ପାର କମ୍ପିତ ଓଠରେ

 ପତ୍ର ଚିଟାଉରେ ଝୁରେ  । 

 ନାଦ ନିନାଦର ଓଁ କାର ଶବ୍ଦ

   ଶୁଭେ ଗଗନ ପବନେ

ବିନମ୍ର ବିନତୀ ଢାଳି ଦିଏ ପ୍ରିତୀ

  ପ୍ରଭୁଙ୍କର ପାଦତଳେ।