ସବୁ ମାୟାରେ ବାୟା
ସବୁ ମାୟାରେ ବାୟା
ଆଜି ସକାଳେ ମୋ ମନ ଉଦାସ
ମୁହଁଟାରେ ନାହିଁ ଚେନାଏ ହସ ।
ପଚାରୁନ ମୋତେ କିସ ଯେ ହେଲା
ତୋ ଖୁସିକୁ କିଏ ଚୋରେଇ ନେଲା ।
ହଜିଗଲା କିବା ଅମୂଲ୍ୟ ଧନ
ତେଣୁ ଶୁଖିଛି କି ଚନ୍ଦ୍ର ବଦନ ।
ନାହିଁରେ ନାହିଁରେ ମୋହରି ଭାଇ
ଏମିତି କୁହନିି ମୋ ମୁୁଖ ଚାହିଁ ।
ଆଜି ସକାଳେ ମୋ ମିତ ଭେଟିଲା
ବୋଲଇ ଦେଖେ ତୋ ଭାଗ୍ୟ ଘୁଞ୍ଚିଲା ।
ବୁଝି ପାରିଲିନି ତା ବାକ୍ୟବାଣ
ଅପାଚ୍ୟ କରିଣ ଦେଲା କଷଣ ।
ଖୋଲି କହିିିଲା ସେ ହସ ମଂଜୁୁୁଷା
ସେଥିରେ ରହିଛି ରହସ୍ୟ ଭାଷା ।
ବୋଲଇ ଲେଖୁୁୁଛୁ କବିତା ବସି
ଲାଇକ କମେଣ୍ଟ ଗଲାଣି ଖସି ।
ପଡିଶା ଘରକୁ ଥରେ ତୁ ଚାହାଁ
ସେ କେତେ ଉପରେ ତୁ ଅଛୁ କାହାଁ ।
ବେଶି କହିିିଲିନି କହିିିଲିି ପଦେ
ଗାନ୍ଧାରୀ ଜୀବନ ପଡେ ବିପଦେ ।
ଶତ ପୁତ୍ର ତାର ହୋଇଲେ ଲୀନ
ଅଂହକାର କଲେ ନରୁହେ ଚିହ୍ନ ।
ପ୍ରୟୋଜନ ମୋର କୁନ୍ତୀର ଭାଗ୍ୟ
ପାଞ୍ଚୋଟି ସନ୍ତାନ ହୁଅନ୍ତୁ ଯୋଗ୍ୟ ।
ରଙ୍ଗମଞ୍ଚପାଇଁ ଦର୍ଶକ ଶତ
ପାଲା କୀର୍ତ୍ତନକୁ ପାଞ୍ଚ ପଣ୍ଡିତ ।
ଯେଉଁଠିି ଅଜ୍ଞାନୀ ସେଠି ବରଣ
ତେଣୁ ଚିନ୍ତାକର କେଉଁଠି ଜ୍ଞାନ ।
ବିିଷମ ସମସ୍ୟା ହୋଇଛି ଭାଇ
ମୁୁୁରଖ ଜନ ଯେ ହେଣ୍ଡି ମାରଇ ।
ବିିଦ୍ଵାନୀ ମଣ୍ଡଳୀ ବୁଝନ୍ତି ପରା
କିିଏ ସୀସା ଆଉ କିଏ ସେ ହୀରା ।