ହେପି ନିଉ ଇୟର

ସେଟା

ମଧ୍ଯ ରାତ୍ରୀ ହୋଇଥିଲା

ଗାଢ଼ ନିଦରେ

ଶୋଇଥିଲା ବେଳେ

ସେ ମୋ ଉପରେ

ଚଢିଗଲା,

ମୁଣ୍ଡକୁ ହଲାଇ

ଗାଲ ଚିପି ଚିପି

ମୋତେ ସେ ଉଠାଇ

ଡାକୁଥିଲା

ମୁହଁ ସାରା ଚୁମା

ଦେଉ ଥିଲା

ମୋ ଦେହ ଉପରେ

ଶୋଇଗଲା

ମୋ, ହାତକୁ ଉଠାଇ,

ତା ଦେହ ଉପରେ

ଥୋଇବାକୁ କେତେ ଡାକୁଥିଲା

ଦେହ କୁତୁ କୁତୁ ଲାଗୁଥିଲା

ମୋ ପାଟିରୁ ହସ ଝରୁଥିଲା  l

ମୋ ଦେହ ଉପରେ

ତା ଦଳା ଚକଟା

ଟିକିଏ ଆରାମ ଲାଗୁଥିଲା

ଦେହ ସାରା ଓଦା ହୋଇଗଲା

ନିଦ ପୁରାପୁରି ଭାଙ୍ଗିଗଲା

ଆଖି ଖୋଲି ଟିକେ

ଅନେଇ ଦେବାରୁ

ମୋ ମଥାରେ ଚୁମ୍ମା ମାରିଦେଲା l

କୋମଳ କଣ୍ଠରେ

ସେ ମୋ ପାଖରେ

ହେପି ନିଉ ଇୟର କହିଗଲା,

ଅଧା ଘଣ୍ଟା ହେଲା

କାନରେ ମୋହର

ପାପା ପାପା ଡାକ ଶୁଭୁଥିଲା,

ସେ ଦେଢ଼ ବର୍ଷର

କୁନି ଝିଅ ମୋର

ପ୍ରଥମେ ଶୁଭେଚ୍ଛା ଜଣାଇଲା

ହେପି ନିଉ ଇୟର କହିଦେଲା  l