କବି କୁଳ

ପାଣ୍ଡୁ ଅଯୋଜନ କରିଥିଲେ ବନ୍ଧୁ

ପାଣ୍ଡୁ ଭାଷା ସଭା ହୋଇଥିଲା,

ବିଦ୍ୟାଳୟ ଠାରୁ ଆରମ୍ଭ କରିକି

ମହାବିଦ୍ୟାଳୟେ ସଭା ହେଲା l

ପଂଚାୟତ ସହ ବ୍ଲକରେ ବି ହେଲା

ଜିଲ୍ଲା ରାଜ୍ୟ ଏଠି ଦୋହଲିଲା

ବିଶ୍ୱ ଭାଷା ସମ୍ବିଳନୀ ଆୟୋଜନେ

ପାଣ୍ଡୁ ଚାଟୁକାର ଯୋଗ ଥିଲା l

କାନ୍ତ କବିଙ୍କର ରାଜ୍ୟ ପ୍ରୀତି ଗୀତ

ପ୍ରଶଂସା ର ଯୋଗ୍ୟ କଣ୍ଠ ପାଇଁ

କଣ୍ଠ କବି ବୋଲି ଘୋଷିକା କହିଲେ

କି ଦୋଷ ଲାଗିବ କହ ଭାଇ l

କଣ୍ଠ ବଦଳରେ ପାଣ୍ଡୁ କହିଥିଲେ

ତାଳି ପଡିଥାନ୍ତା ଧଡ଼ ଧଡ଼

ଭାଷା ସମ୍ଭିଳନି କବିଙ୍କୁ ଦିଅନ୍ତା

ନୂଆ ଉପାଧିକି ନୂଆ ମୋଡ଼ l

ସଜାଗ କବିଙ୍କୁ ନିମନ୍ତ୍ରଣ ନାହିଁ

ବୋଲି କରୁଛନ୍ତି ଏତେ ଭେଷ

ନିମନ୍ତ୍ରିତ କବି ମୁହଁ ବନ୍ଦ ଥିବ

ଉପର ମୁହଁ କୁ ହସ ହସ l

ଜଗନ୍ନାଥ ଯହିଁ ଛୋଟ ପଡ଼ିଗଲେ

ଲଷ୍ମୀକାନ୍ତ ଫୋଟ ଲାଗିବନି,

ରାଜ୍ୟର ଭଜନ କଣ୍ଠ କବି ଗୀତ

କାନ୍ତକବି ନାମ ଶୁଭିବନି l

ଭାଷା ସମ୍ଭିଳନୀ ଅର୍ଥ ଖାଇଗଲା

ଓଡ଼ିଆଙ୍କ ଭାଷା ଓ ହୋଇଲା,

ଏ ସାରା ବିଶ୍ୱରେ ଇଂରାଜୀ ଅକ୍ଷରେ

ଓ ନୁହେଁ ବନ୍ଧୁ ଶୂନ ହେଲା l

ଭାଷା ପ୍ରତି ଯାର ମମତା ରହିଛି

ତା ହୃଦୟକୁ ଦେବ ଆଘାତ,

ପାଣ୍ଡୁ ରାଇଜରେ କଣ୍ଠ ରୁଦ୍ଧ ହୁଏ

ହେ! କବି କୂଳ ହୁଅ ଜାଗ୍ରତ l