ଗଛ

ପୁଅକୁ କହିଲି

ଦୁଇ ଦିନ ହେଲା ଛାତକୁ ଗଲେନି

ଗଛରେ ପାଣି ଦେଲେନି,

ଖରା ବଢ଼ି ଗଲା ଗଛ ଶୁଖି ଗଲା

ଆଉ ସିଏ ବଞ୍ଚିବନି,

ମୋର ବେଳ ଆସିଲାଣି,

ବାର୍ଦ୍ଧକ୍ୟ ପଶିଲା କେବେ ଝଡିଯିବି

ଧନ ମୋର ଜାଣିବନି l

ଏମିତିକା କଥା କୁହନାହିଁ ବାପା

କହେ ତାର ଭୁଲା ମନ,

ମାଳି ସାଜି ନିଜେ ଗଢ଼ିଛି ସନ୍ତାନ

ଯତ୍ନ ନେବା ତାର ଧର୍ମ,

ଗଛ ସଙ୍ଗେ ବୃଦ୍ଧ ସମାନ,

ଉପଯୁକ୍ତ ଯତ୍ନ ନ ନେଲେ ତାହାର

ନିଶ୍ଚେ ଉଡ଼ିଯିବ ପ୍ରାଣ l

ଚାଲିଗଲା ପରେ ରୋଦନ କରିବେ

ବୁଝିବନି ତାଙ୍କ ମନ,

ବଞ୍ଚିଥିବା ବେଳେ ଦେଉଥିଲେ ଗାଳି

ମଲେ ଦେବେ ସନମାନ,

ଫୋଟକୁ ଫୁଲ ଚନ୍ଦନ,

ଶ୍ରାଦ୍ଧର ନାମରେ ବ୍ରାହ୍ମଣ ଭୋଜନେ

ଝୁରି କାଟିଥାନ୍ତି ଦିନ l