ସାଥୀ ଗୋ ଆସ ମୋ ଫେରି
ସାଥୀ ଗୋ ଆସ ମୋ ଫେରି
ସହି ହେଉନାହିଁ ଶରୀର ଉଷ୍ମତା
ସାଥୀ ଗୋ ଆସ ମୋ ଫେରି
ତନୁରେ ମୋହର ସିଞ୍ଚି ଦିଅ ତୁମେ
ପ୍ରେମର ପୀୟୁଷ ବାରି
ନାଚୁଥିବ ମୋର ମନ ମୟୂରୀଟି
ପୁଚ୍ଛ ଖୋଲି ଥିରି ଥିରି
ସହି ହେଉନାହିଁ ଶରୀର ଉଷ୍ମତା
ସାଥୀ ଗୋ ଆସ ମୋ ଫେରି ।
ଆଜି ଏହି ରାତ୍ର ମଧୁ ଲଗନରେ,
କରୁଅଛ କାହିଁ ଡେରି
ମନ ପୀପାସାକୁ ଯେତେ ଚାହିଁଲେ ବି
ପାରୁ ନାହିଁ ଦୂର କରି
ଗୋଲାପ ପୁଷ୍ପରୁ ସୁଧା ପାନ କରି
ମନ ମୋର ଯିବ ଭରି
ସହି ହେଉନାହିଁ ଶରୀର ଉଷ୍ମତା
ସାଥୀ ଗୋ ଆସ ମୋ ଫେରି ।
ବସନ୍ତର ମୃଦୁ ମଳୟ ସ୍ପର୍ଶରେ
ତନୁ ମୋ ଯାଏ ଶିହରୀ
ଗୋଲାପି ଓଠର ମିଠା ଚୁମ୍ବନକୁ
ପ୍ରତୀକ୍ଷା ରହିଛି କରି
ଲାଜେଇ ଲାଜେଇ ଚାହିଁଦେଲେ ତମେ
ସତେ ଯିବି ମୁହିଁ ମରି
ସହି ହେଉନାହିଁ ଶରୀର ଉଷ୍ମତା
ସାଥୀ ଗୋ ଆସ ମୋ ଫେରି ।