ଭିତରକୁ ଯିବା ମନା

କରୋନା ଦେଖି କି ପିଇ ଯାଉଛୁ ଲୋ

ଢକ ଢକ କାଢା ପାଣି

ଗୋରା ଦେହ ତୋର କଳା ପଡ଼ିଲାଣି

ଆଲୋ ମୋ ହୃଦୟ ରାଣୀ ।

ପରିବା ପତର ନିତି ଧୋଇ ଧୋଇ

ଥଣ୍ଡା ଛାଡ଼ୁ ନାହିଁ ତୋତେ

ଉଷୁମୁ ଟିକିଏ ଖୋଜିଲା ବେଳକୁ

ରାତିରେ ମାରୁଛୁ ନାତେ ।

ଘରେ ପଶିବାକୁ କେତେ ପାଲା କରୁ

ସାନିଟାଇଜର ଧର

ହାତ ଗୋଡ଼ ସବୁ ବୋଳା ବୋଳି କର

ନହେଲେ ଆସିବ ଜର ।

କରୋନା ଆସିଲା ସୁଖ କାଢି ନେଲା

ନିତି ଲାଗେ ଘରେ ନାଟ

ରୋଗ ବ୍ୟାଧି ଯୋଗୁଁ ସ୍ଵାମୀ ସ୍ତ୍ରୀ ମଧ୍ୟେ

ସୃଷ୍ଟି ହେଲା ବଡ଼ ଫାଟ ।

ପୋଲିସ କଥାକୁ ନମାନିବ ଯଦି

ବାହାରେ ଖାଇବ ମାଡ଼

ମାଇପ କହୁଛି ବାହାରୁ ଆସିଛ

ଭିତର ଘରକୁ ଛାଡ ।

କେବେ ଯିବ ଏଇ କରୋନା ଭୂତାଣୁ

ମିଳିବ ଟିକିଏ ଶାନ୍ତି

ଶୁଖିଲା ମୁହଁରେ ହସ ଝଲସିବ

ଜଳିବ ସୁଖର ବତୀ ।