ମୋ ବୋହୂ କାହାଣୀ

ପୁଅ ବାହା କରି ଆଣି ଥିଲି ବୋହୂ 

   ଖେଳିଲା ମହାଭାରତ

ଅଳତା ଲିଭିନି ଛ` ମାସ ହୋଇନି

  ଦେଲା ସେ ବଡ଼ ଆଘାତ ।

ପୁଅ ଠାରୁ ମୋତେ ଅଲଗା ରଖିବ

   କହୁଅଛି ପ୍ରତି ଦିନ 

ଛବିଶି ବର୍ଷର ସମ୍ପର୍କ କୁ ମୋର

   କରୁଅଛି ସିଏ ଚ୍ଛିନ୍ନ ।

ଅନ୍ତଚିରି ମୁହିଁ ଜନମ ଦେଇଛି

    ସିଏ ମୋ ବିଶିକେସନ

ତାହାରି ଠାରୁ ମୁଁ ଦୁରେଇ ରହିଲେ 

   କେମିତି ବୁଝିବ ମନ ।

ରୋଷେଇ ବାସରେ ନାହିଁ ତାର ମନ

   ନାହିଁ ପୂଜା ଅରଚନା 

ସୁଅଁ ପାଉଡର ମୁହଁରେ ମାଖିଲେ 

   ହୁଏ ସେ ସଦା ଦିୱାନା ।

ଫର ,ଫର କରେ ବାଳକୁ ତାହାର

   ହୁଏ ସେ ନିତି ଫେସନ 

ଲେହେଁଙ୍ଗା ,ଟୁପିସ୍ ପିନ୍ଧି ଦେଇ ଘରେ

   ହଜାଏ ସଭିଙ୍କ ଜ୍ଞାନ ।

ଶଶୁରକୁ ଭାବେ ନଖର ମଳି ସେ

  ମୋତେ ଭାବେ ସେ ପାପୋଛ

ସ୍ବାମୀକି ଭାବେସେ ଚାକର ପରିକା 

   ନାହିଁ ତାର ମନେ ସ୍ୱଚ୍ଛ ।

ଏମିତିକା ବୋହୂ ଘରକୁ ଆଣିଲି

   ପାଇଲି ବହୁତ ଶିକ୍ଷା 

କିଏ ବା ଜାଣିଛି ଭିତରେ ପଶିଛି

  ଦେବ ବୋଲି ବଡ଼ ଧୋକା ।