ଜାତୀୟ ପତାକା ଆମର ପ୍ରତୀକ

ଜାତୀୟ ପତାକା ଉଡେ ଫର ଫର

     ସ୍ୱାଧୀନ ପ୍ରତୀକ ରୂପେ

ଶାନ୍ତି ମୋତ୍ରୀ ପ୍ରୀତି ସମ୍ମାନର ଗୁଣ

     ମୁଖରେ ସଦା ସେ ଜପେ ।

ସବୁଜ କମଳା ଶ୍ୱେତ ରଙ୍ଗ ଆଉ

     ଅଶୋକ ସ୍ତମ୍ଭରେ ପୂର୍ଣ୍ଣ

ତ୍ରିରଙ୍ଗା ପତାକା ନାମଟି ତାହାର

      ଦେଶକୁ ରଖେ ଅକ୍ଷୁର୍ଣ୍ଣ ।

ମନରେ ଜଗାଏ ବୀରତ୍ୱର ବାଣୀ

     ଓଠରେ ଫୁଟାଏ ହସ

ସ୍ୱାଧୀନ ଆମର ଜନ୍ମଗତ ଦାବି

     ମନରେ ଭରେ ସାହସ ।

ବିଶ୍ୱ ଦରବାରେ ସ୍ୱତନ୍ତ୍ର କରିଛି

       ଭାରତ ମାତାର ନାଁ

ଇତିହାସ ତା'ର ମୂଳ ସାକ୍ଷୀ ଅଟେ

        ଜାଣଇ ସହର ଗାଁ ।

ସେ ପତାକା ତଳେ ମସ୍ତକ ନୁଆଇଁ

    ବୀରତ୍ୱର ଗାଥା ସ୍ମରେ

ତାହାରି ସମ୍ମାନ ଆମରି ଗୌରବ

     ପ୍ରାଣ ବଳିଦାନ କରେ ।

ଜୟ ତୁ ଭାରତ ଜୟ ତୋ ପ୍ରତୀକ

      ଝରାଏ ଅମୃତ ବାରି

ନୂଆ ରାଇଜର ନୂତନ ଜିଜ୍ଞାସା

     ମନରେ ପଡଇ ଝରି ।