ଆମେ ଶ୍ରମିକ ଭାଇ

ଉଠ ଉଠ ସର୍ବେ ଶ୍ରମିକ ଭାଇ

ଲଢ଼ିବା ଆମେରେ ଆମରି ପାଇଁ

ଦେଶକୁ କରିବା ସୁବର୍ଣ୍ଣ ପୁରୀ

ଜାତିର ଅସ୍ମିତା ବ୍ରତ ଆମରି ll

ହାତକୁ କରିବା ଲୁହାଠୁ ଶକ୍ତ

ମନରେ ବାନ୍ଧିବା ଦୃଢ ସଂକଳ୍ପ

କର୍ତ୍ତବ୍ୟରୁ ହେବା ନାହିଁ ବିଚ୍ୟୁତ

ଆଳସ୍ୟ ତେଜିବା ହୋଇ କର୍ମଠ ll

ଦେଶ ମାତୃକାକୁ ଭଲ ପାଇବା

ମାଆ ମାଟି ପାଇଁ ଜୀବନ ଦେବା

ମନରୁ କାଢ଼ିବା ଖରାପ ଗୁଣ

ଶୁଝିବା ଆମରି ଜାତିର ଋଣ ll

କୋଦାଳ ଝୁଡିକୁ ସାହାରା କରି

ତୁଣ୍ଡର ଝାଳକୁ ମୁଣ୍ଡରେ ମାରି

ଆହାର ଆମରି ଶାଗ ପଖାଳ

ଶାନ୍ତି ଲାଗଇ ସେ ଛପର ଚାଳ ll

ଦୁଇ ପଇସାରେ ତେଲ ଫୁଟଣ

ଦେଖାଇବା କାଇଁ ଅଧିକ ଟାଣ

ନିଜେ ଦୁଃଖ ସହି ଦେବାଟି ଖୁସି

କାହିଁକି ମରିବା ଲଗାଇ ରଶି ll

ଆସ ଭାଇ ଆମେ ଶପଥ ନେବା

ନିଜ ଆତ୍ମବଳ ଦୃଢ କରିବା

ଯନ୍ତ୍ରଣା ଭିତରେ ଖୋଜିବା ଖୁସି

ଆଖି ଲୁହ ଯେତେ ଦେବାରେ ଶୋଷି ll