ବଣଭୋଜି

ପୁଷି ମାଉସୀ ମୁଖିଆ ସାଜି 

  ବାହାରିଲା ବଣ ଭୋଜିକୁ

ସାଙ୍ଗ ହୋଇଲା ନେଉଳ ଭାଇ

  ମାଂସ କିଣି ଯିବ ହାଟକୁ ।।

ବଗୁଲି ନାନୀ ଥଣ୍ଟକୁ ଯାକି 

 ମାଂସକଟାକୁ ଜଗେ 

ବିଲୁଆ ନନା ପାଣି ବୋହିଲା 

  ଭୋକେ ଖାଇବ ଆଗେ ।।

ବାଘ ମାମୁଁଟି ବଣର ରାଜା 

 ମାଙ୍କଡ଼ ବସି ଗଛେ 

ମୁରୁକି ହସେ କାଙ୍କଡ ଖାଇ 

  ଶିକାରୀ ଅଛି ପଛେ।।

ହାତୀ ଭାଙ୍ଗିଲା ଜାଳେଣି କାଠ 

 ମୂଷା ଆଣିଲା ଧାନ 

ଗୁଣ୍ଡୁଚି କୁଟି ଚାଉଳ ଦେଲା 

  ବଣ ଭୋଜି ରେ ମନ ।।

ଏତିକି ବେଳେ କାହୁଁ ଆସିଲା 

  କଳା ହାଣ୍ଡିଆ ମେଘ 

ରାଗରେ ଛେଳି ଅରମେ କହେ 

  ବାଘଠୁ ବଡ ଫାଗ।।

ପଳାଇଗଲେ ନିଜ ବାଟରେ 

  ଛେଳିର ରାବ ଶୁଣି 

ବଣ ଭୋଜିଟି କରିବା ନାହିଁ 

  ଛେଳିକି କେବେ ହାଣି।।