ନବ ଯୌବନ

ନବ ଯୌବନ ଦିବ୍ୟ ଦର୍ଶନ 

ଚାହିଁ ରହିଛିଏ ବିଶ୍ବ ଭୁବନ ।

ବରଷକୁ ଥରେ ଏରଥ ଯାତ

ରଥେ ମୋ ଆସିବେ କଳା ସାଆନ୍ତ ।

ଭାଇ ଭଉଣୀ ଙ୍କି ସଂଗତେ ନେଇ

ଢଳିଢଳି ଆସେ କଳା ଗୋସେଇଁ ।

ଦୁଃଖ ହରଣ ମୋ ଦୁଃଖ ନାଶନ 

ସବୁଦେଖୁ ଥିବ ଚକାନୟନ ।

ଦାସିଆ ନଡିଆ ନେବାକୁ ହାତ 

ଭକତ ବିଦୁର କରମା ହାତ ।

ମହ ମହ ବାସ ହାତରେ ଥାଏ

ଭକ୍ତ ବାନ୍ଧବ ହେ ମନକୁ ନିଏ ।

ଲକ୍ଷ୍ମୀ ସାଆନ୍ତାଣୀଦେଉଳେ ରହି 

ମନେ ରୋଷ ତାଙ୍କ ନ ପାରେ ସହି ।

 ସବୁ ପଛ କରେ କଳା ସାଆନ୍ତ 

ନବ ଯୌବନ ମୋ କମଳାକାନ୍ତ ।

ଆସ ଆସ ରଥ ସଜା ହୋଇଛି 

ସାରା ବିଶ୍ବ ବାସୀ ଚାହିଁ ରହିଛି ।

ଥରେ ଦେଖି ଦିଅ ତୁମରି ଦାଣ୍ଡେ

ଏପରାଣ ପିଣ୍ଡ ତୁମରି ଦାନେ ।

ଶରଣ ରକ୍ଷଣ ମୋ ମହା ବାହୁ 

ଜୟ ଜଗନ୍ନାଥ ତୁଣ୍ଡ ରେ ଥାଉ ।