ବାହୁଡା ଯାତ୍ରା

ଇଛା ଥିଲା ,ଯାଆନ୍ତି କି ରଥେ ଅଛି ଚକାଆଖି 

ପଚାରନ୍ତି ଦୁଃଖ ସୁଖ ଦେଉ ଲୋକ ଦେଖି ।

ଗୁଣ୍ଡିଚାରୁ ବାହୁଡା ତୋ ଯାତରା ସରିଲା

ନ ଅଦିନ ଧରି ଦିନେ ତୋ ପାଖେ ନଗଲା। 

ପାପୀ ଡାକେ ରାମ ପୁଣି ତପି ଡାକେ ରାମ 

କେଉଁ ତାଲିକା ରେ ଜଗା ଅଛି ମୋର ନାମ ।

ଅନ୍ତର୍ଯ୍ୟାମୀ ଜାଣୁ ତୁହିଁ ଅନ୍ତର କଥାକୁ 

ସତ କୁହ ଡାକିନି କି ଯିବି ତୋ ପାଖକୁ 

ଶୁଣୁଛି ଲୋକେ କୁହନ୍ତି ଡୋରି ଲାଗେ ତୋର 

ସେ ଡୋରିରେ ଅଛିକି ତୋ ଭେଦ ଭାବ ବିଚାର ।

ଭକତ ନୁହେଁ ବୋଲି ଭାବ କିବା ନାହିଁ 

କିବା ରୋଷେ ଜଗାତୋର ଅବିଚାର ଏହି ।

ତୁ ସିନା ରାଜାଧୀରାଜା ମୁଁ ଛାର ତୋ ଦାସ 

କିବା କଲି ଅପରାଧ କହ ପୀତବାସ ।