ନାନା ବାଇଆ ଗୀତ

କିଚିରି ମିଚିରି ବାଇଚଡେଇ 

ତାଳ ଗଛେ ତାର ବସା 

ବିଲୁଆ କରୁଛି ମାଉଁସ ଝୋଳ 

ବିଲେଇ ନାନୀର ଓଷା ।

ଭଅଁର ଯାଇଛି ଫୁଲ ପାଇଁ କି

ହାତୀ ଆଣେ ଆମ୍ବ ଡାଳ 

ବାଘ ମାମୁଁ ପାଣି ଭାରନେଇ ଗଲା

ଆଣିବ ଝରଣା ଜଳ ।

ହନୁ ଅଜା କହେ ପୂଜା ମୁଁ କରିବି

 ଫଳ ମୂଳ ଆଣି ଆସି 

ଗଧ କହେସବୁ ବୋହିବି ସଭିଙ୍କୁ 

ଘୋଡା କହେ ଜଗି ଅଛି ।

କୋଇଲି କହୁଛି ଗାଇବି ପୁରାଣ 

ଆସିଲା ଧରମ ମାସ 

ଡାମରା କାଉଟା ମୁହଁ ଶୁଖେଇଲା 

କୁମ୍ଭୀର ର ଦେଖ ହସ ।

ବିଚରା ବିଲୁଆ ଲାଳ ଗଡାଇଲା 

ହନୁ ବସି ଗଲା ପୁଜାରେ 

ଧରମ ମାସଟା ପାଳନ କରିବା 

ଭାଇଳେଣି ପଡିଲା ବଣରେ ।

ଆମେ ତ ମଣିଷ ଦୂର୍ଲଭ ଜୀବନ 

ଜାଣି ବି ଅଜଣା ହେଉଛୁ 

କେତେ ପଶୁ ପକ୍ଷୀ ଜୀବନକୁ ନେଇ

ଆମ ପେଟ ପୂଜା କରୁଛୁ ।