ପ୍ରିୟା ପ୍ରୀତି ସ୍ମୃତି ଗୀତି
ପ୍ରିୟା ପ୍ରୀତି ସ୍ମୃତି ଗୀତି
ପ୍ରେମସ୍ମୃତି ଗୀତି ଭଲଲାଗେ ଅତି
କବିର ଲେଖନୀ ଧାରେ ;
କବିଟା ପ୍ରେମିକ ଭାରିସେ' ରସିକ
ପ୍ରେମକରେ ଭାବନାରେ !!
ସ୍ୱପ୍ନର ନାୟିକା ସ୍ମୃତି ଅନାମିକା
କବିର ପ୍ରେମିକା ସାଜେ ,
ସପନେ ଗୋପନେ ଅବାଜାଗରଣେ
କଵିଆଖି ତାକୁ ଖୋଜେ ! !
ପ୍ରୀତି ସ୍ମୃତିକଥା କଵି ଗାଏ ଗାଥା
ପ୍ରେମ ରାଇଜରେ ହଜି ;
ହୃଦୟ ମନ୍ଦିରେ କିଏ ସରାଗରେ
ପ୍ରେମରେ ଯାଇଛି ଭିଜି !!
ଗୋଲାପିବେଳାରେସ୍ମୃତି ଫରୁଆରେ
କଵି ଖୋଜେ ପ୍ରୀତି ଛବି ;
ନିଅାରା ପ୍ରେମିକ ପ୍ରେମର ନାୟକ
କେତେକଥା ଲେଖେଭାବି !!
ସପନ ସୁନ୍ଦରୀ କବିର ସବୁରି
ମନ ଭରି ଭଲ ପାଏ ;
କବିଏକା ବୁଝେ କଵିଏକା ଯୁଝେ
ଆରମ୍ଭ ରୁଶେଷ ଯାଏ !!
ସରଗର ପରୀ ପ୍ରୀତି ଛନ୍ଦା ନାରୀ
ସାଜେ ପରା ରାଜ ରାଣୀ ;
କଵି ଝୁରିମରେ ପ୍ରତି ମୁହୂର୍ତ୍ତରେ
ହୋଇ ପରା ଚିର ରୁଣୀ ! !
ପ୍ରେମର ମର୍ଯ୍ୟାଦା କଵିରଖେ ସଦା
ବିଶାଳ ହୃଦୟ ତା'ର ;
ପ୍ରେମପାଇଁ କଵି ଲେଖେ ଭାବି ଭାବି
ପ୍ରେମରେ ହୋଇ ବିଭୋର !!
ପ୍ରୀତି ସୁହାଗିନୀ ମନର ମାନିନୀ
ଅପୂର୍ବ ରୂପରେ ଆସେ ;
ସରାଗ ମନରେ କଵି ତୋଳିଧରେ
କୋମଳ ହସ୍ତ ପରଶେ !!
ଭଲପାଏ ବୋଲି ଭୁଲିସେ'ପାରେନି
ପ୍ରେମ ପାଇଁ ବ୍ରତ ପାଳେ ;
ପ୍ରେମ ସରାଗିନୀ କପଟ କରେନି
ମଧୁ ପ୍ରୀତି ଖାଲି ଢାଳେ !!
କଵି ଲେଖନୀରେ ଏତିକି ଆଙ୍କୁଛି
ପ୍ରେମର ନିଛକ ଛବି;
ସ୍ମୃତି ଲିପି ଆଉ ରଖିଛି ସାଇତି
ଲେଖିବି ମୁଁ ପରେ ଭାବି !!
ସଦାନନ୍ଦ ସାହୁ ; ଧୁରୁଷୀଆ ;
ଆଠଗଡ ; କଟକ ; ph -977736 11 78