शिक्षण हवं रं

*आम्हा शिक्षण हवं रं (2)*

भोग आमच्या नशिबाचं

भिक मागत जगायाचं

संपू दे आज सारं

शिक्षणाचं उघड दार

हक्क आमचा शिक्षणाचा मिळू द्या आम्हा

*शिक्षण हवं रं*

*आम्हा शिक्षण हवं रं*

ताई ,दादा ,मावशी, काका

पैशाची भिक देवू नका

शिक्षणाचा एक दिवा

आमच्या जीवनात लावा

अंधःकार अज्ञानाचा संपू दे जरा

*शिक्षण हवं रं*

*आम्हा शिक्षण हवं रं*

समाजातले आम्ही भिकारी

पोटासाठी फिरतो दारी

मदतीचा द्या एक हात

शिक्षणाची हीच सुरुवात

माणसाला माणुसकीची साथ द्या जरा

*शिक्षण हवं रं*

*आम्हा शिक्षण हवं रं*