जगणे त्यांचे सुकर व्हावे....

तुमचे तुम्हास लखलाभ

फक्त द्या हो आमुचे माप

हात जोडुनी हेच मागणे 

जगणे आमुचे सुकर व्हावे

थांबवा आता कोरडे आश्वासने

अन्न वस्त्र निवारा द्या आता 

समजू नका हो जनता खुळी

भरू द्या त्यांना टीचभर पोटाची खळगी

अजून कुठवर मूर्ख बनवाल त्यांना

अंत नका हो त्यांचा पाहू

भ्रमिष्ठासारखा प्रवास त्यांचा

हताश जनतेची वेळ हातावर आलेली

हेवे दावे विसरुनी सारे एक व्हा रे

लोकशाहीचा राजा मारू नका रे

लबाडीच वागणं सोडून द्या रे

तुमचाही शेवट गोडं व्हावा 

कोरभर तुकडा अंगभर कपडा, निवारा 

नको त्यांना अजून आणखी काही

हेच मागणे करा विधायक असे की

जगणे त्यांचे सुकर व्हावे...