दिवाळी बळीराजाची
दिवाळी बळीराजाची
दिवाळी बळीराजाची
बाप माझा बळीराजा
अठराविश्वे दारिद्र्याचा धनी
आज कवितेतून व्यक्त झाली
बळीराजाची लेक ही लहानी
नसे ही आज कल्पनेतील
तुम्हाला भावेल अशी कथा
पोटच्या पणत्यांच्या तेजासाठी
वातीसम जळलेल्या बापाची व्यथा
म्हणे दिवाळ काढणारी दिवाळी
फुटक्या पणत्यांनी झोपडी नटे
बाप कर्जाचा डोंगर रचायचा
तेंव्हा फराळ, कपडा भेटे
नावाचाच एकरी मालक बाप
पावसाविना कोरडी ठिकर शेती
लेकीबाळींना पोसता पोसता
एक दमडीही ना राही हाती
दरवर्षी दारिद्रयचक्रातली
बळीराजाची अशी दिवाळी
जगाचा पोशिंदा असूनही आज
बनतोय तोच परिस्थितीचा बळी!