અલવિદા
અલવિદા
અલવિદા કરું તને
આવને સપનામાં,
હું તને ભાળું હવે
સ્વપ્નની ક્ષિતિજે.
રાહ જોઈ ઊભી છું;
વાત જોજે કયાંક
અટકી ના જાય
મૌનની સાંકળ
રાખજે લગાવી.
છું અકબંધ
તારી યાદોમાં
આવને સપનાંમાં
નિહાળું તને...
અલાયદી મજા છે
સ્વપ્નની ને રાતની;
વાતમાં ઉલ્લેખ
મારો થાય તો
આંસુઓની ધારને
રોકી રાખજે.
ઝરુખે જોવા
ઊભી તને,
તું પણ ડેલીએથી
નિરખજે મને
રુપેરી સવારને
વારંવાર ટાળું હવે.
સપનાંની પાલખી
સવારુ રાતભર.
ઉજળી સવારે
અલવિદા કરું તને.