ઝાકળનું સપનું

વહેલી પરોઢે આજે ઝાકળને આવ્યું એક સપનું !

ફૂલને જઈને એણે તો કહી દીધું,'આઈ લવ યુ'.

ફૂલે તો જવાબ વાળ્યો ને પાછું વળતું કર્યું છણકુ,

હું તો છું નાજુક નમણું ને તું તો ખાલી એક ટપકું !

તારો ને મારો વળી મેળ શું ને તારું જીવન પણ ટૂંકું.

ફૂલના આ જવાબ પર ઝાકળે કર્યું એક સ્મિત ફિકું,

તારી સુંદરતા ને કોમળતા આગળ તો હું ઘણું નાનુંં;

પણ તારી સુંદરતા પર જ હું મારુ જીવન ઓવારું,

પ્રેમમાં તો કદી હોય નહીં કોઈ મોટું કે કોઈ નાનું,

ઝાકળનાં જવાબથી શરમાય ફૂલ થઈ ગયું છાનું.