અજાણી સફર
અજાણી સફર
ફરી આજે મુલાકાત એમની સાથે શું થઈ !
અજાણી સફરની આમ શરૂઆત પણ થઈ !
યાદોના પગરવ દિલમાં રણઝણતા થયા ને,
આંખોની આંખો સાથે તોફાની વાત થઈ !
મનગમતી સાંજ ને ઢળેલા સૂરજનો સંગ,
પ્રેમની હતી વાવણી ને કયામતની રાત થઈ !
પ્યાસી ઝંખનાઓ તો સતરંગી સળવળીને,
એના આંગણના આકાશમાં કબૂલાત થઈ !
લાગણીના બંધન પણ કેવા અજનબી છે,
આપના શબ્દોની એ રચનામાં સોગાત થઈ !
શમણું આંખમાં અચરજ પામતા તૂટી ગયું,
ને પાંપણની પાંદડીએ ફૂલોની ઘાત થઈ !
વ્હેલી પ્રભાતે શમણું ને એ સાજનની પ્રીત,
ભરી મહેફિલે બસ ગુંજતી રજૂઆત થઈ !