Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Parameswar Ojha

Romance


2.4  

Parameswar Ojha

Romance


ଜହ୍ନ ରାତି ଆଉ ଶ୍ରଦ୍ଧା

ଜହ୍ନ ରାତି ଆଉ ଶ୍ରଦ୍ଧା

3 mins 454 3 mins 454


ଶ୍ରଦ୍ଧା ଛାତ ଉପରେ ବସି ଜହ୍ନ ରାତିକୁ ଉପଭୋଗ କରୁଥିଲା ଆଉ ଭାବନାରେ ଡୁବି ଯାଇଥିଲା ।


  ତା ପରିଚିତ ଜହ୍ନ ରାତି । ତା ପାଇଁ ଶୁଭ ସଙ୍କେତଟିଏ  । ବଡ ଆଶ୍ଚର୍ଯ୍ୟ କଥା ଇଏ ଯେତେବେଳେ ବି ତା ଜୀବନରେ କିଛି ଶୁଭ ଘଟଣାଟିଏ ଘଟିଛି ଏଇ ଜହ୍ନ ରାତି ତା ସାଥିରେ ରହି ଆସିଛି । ଯେମିତି ପ୍ରଣୟ ତା ଜୀବନରେ ଆସିବା । 


  ହଠାତ୍ ମୋବାଇଲ ରିଂ ଶୁଣି ଭାବନାରେ ପୂର୍ଣ୍ଣଛେଦ ପଡ଼ିଗଲା ତାର‌ । କାନରେ ଦଉ ଦଉ ପ୍ରଣୟ ବହୁତ ରୋମାଣ୍ଟିକ ସ୍ବରରେ କହୁଥିଲେ - ଆଇ ଲଭ୍ ୟୁ ଜାନୁ , ଆଜି ମୋ ପସନ୍ଦର ଶାଢ଼ୀ ଆଉ ସବୁ ପିନ୍ଧିଛ ନା ? ମୁଁ ଆଉ ଘଣ୍ଟାକ ପରେ ପହଞ୍ଚି ଯିବି ଆଉ ପହଞ୍ଚିବା ପରେ ଯେମିତି ପ୍ରଥମେ ମୋ ଓଠରେ ତୁମ ଓଠର ଚୁମା ଟିଏ ଚାହେଁ ବାସ୍ । ଲଭ୍ ୟୁ , ଚୁପ୍.. ପା... ।

  

 ଭିତରେ ଭିତରେ ଶିହରିତ ହେଇ ଯାଉଥିଲା ଶ୍ରଦ୍ଧା । ଭାବୁଥିଲା ଏ ପ୍ରଣୟ ସହ ଇଶ୍ବର ତାର ଆଗରୁ ସାକ୍ଷାତ କାହିଁକି କଲେନି ଯେ । କାହିଁକି ରାଜୀବ ଭଳି ଜଣେ ଅମଣିଷକୁ ତାର ପ୍ରେମିକ ପରେ ସ୍ବାମି ବନେଇଥିଲେ ।


  ପୁଣି ଫୋନ୍ କଲେ ପ୍ରଣୟ - ଜାନୁ ଆଜି କ'ଣ ଆଇଟମ କରିଛ ?


- ସାର୍ ଜୀ , ଆଜି ସୋୟାବିନ ତରକାରୀ ଆଉ ଭେଣ୍ଡି ଆଳୁ ଭଜା ।


- ଠିକ୍ ଅଛି ଗୋଟେ ଡବଲ ଅଣ୍ଡା ଆମଲେଟ ବନେଇଦିଅ ମଜା ଆସିଯିବ । ରଖୁଛି ଜାନୁ 


- ଓକେ ସାର୍ ଜୀ 


  ମନେ ପଡିଗଲା ସେଦିନ‌ର ଜହ୍ନ ରାତି । ଯୋଉ ଜହ୍ନ ରାତି ଭେଟି ଦେଇଥିଲା ତାକୁ ପ୍ରଣୟ ଭଳି ଜଣେ ସୁଯୋଗ୍ୟ ମଣିଷକୁ । 


ତା ଜୀବନର ସେଇ ରାତିଟି ଶେଷ ରାତି ବୋଲି ଭାବି ନେଇଥିଲା , ହେଲେ ସେ ଜାଣିନଥିଲା ସେ ଆଉ ଗୋଟେ ନୂଆ ଜୀବନର ଆରମ୍ଭ ହୋଇଯିବ ବୋଲି ।


 ବାସ୍ ଆଉ କେହି ସେକେଣ୍ଡ ପରେ ଶ୍ରଦ୍ଧା ଟ୍ରେନ ସହ ଧକ୍କା ହୋଇ ଶବ ପାଲଟି ଯାଇଥାନ୍ତା ଯଦି ଠିକ୍ କେଇ ସେକେଣ୍ଡ ପୂର୍ବରୁ ହଠାତ୍ ପ୍ରଣୟ ଆସି ଶ୍ରଦ୍ଧାକୁ ଟ୍ରାକ କଡ଼କୁ ଟାଣି ନେଇ ନଥାନ୍ତା ତ । 


 ପ୍ରାୟ ଦୁଇଘଣ୍ଟାର ଅକ୍ଲାନ୍ତ ପରିଶ୍ରମ ପରେ ଶ୍ରଦ୍ଧାକୁ ବୁଝେଇ ସୁଝେଇ ସାଥିରେ ଆଣିଥିଲା ପ୍ରଣୟ । ନିଜ ଓକିଲ ଜୀବନରେ ଜଣେ ଅଜଣା ମଣିଷକୁ ମୃତ୍ୟୁ ମୁଖରୁ ବଞ୍ଚେଇ ତା ପାଇଁ କେସ୍ ଲଢିବା ବଡ ଆଶ୍ଚର୍ଯ୍ୟର କଥା ଥିଲା ପ୍ରଣୟ ପାଇଁ ।  ଶ୍ରଦ୍ଧା ପାଖରେ କେବଳ ତା କଥା ବ୍ୟତୀତ ଆଉ କିଛି ବି ପ୍ରମାଣ ନଥିଲା ସେ ନ୍ୟାୟ ପାଇବାକୁ । କିନ୍ତୁ ପ୍ରଣୟ ସଂପୂର୍ଣ୍ଣ ସମର୍ପଣ କରି ଦେଇଥିଲା ସେଇ କେସ୍ ରେ । ତାପରେ ନିଜ କଥା ଚାତୁରୀ ଆଉ ବୁଦ୍ଧି ବଳରେ ସେ କେସ୍ ର ବିଜୟୀ ହୋଇଥିଲା । ଶ୍ରଦ୍ଧା ସପକ୍ଷରେ ଯାଇଥିଲା ସବୁ କଥା । ଶେଷରେ ନିଜ ଭୁଲ୍ ମାନି ଶ୍ରଦ୍ଧାକୁ ଆପଣେଇ ନେଇଥିଲେ ତା ଶାଶୁଘର ଲୋକେ ‌। କିନ୍ତୁ ପୁଣି ତା ଉପରେ ଦୁଃଖର କଳା ବାଦଳ ଘୋଟି ଆସିଲା । ସେଇ ହତାଦର ଅବହେଳା ଗାଳିମନ୍ଦ ମାରପିଟ୍ । ସବୁ ନିନ୍ଦା ଅପମାନକୁ ସହି ବିନା କାରଣରେ ସମସ୍ତଙ୍କ ଭୁଲ୍ ର କାରଣ ବନୁଥିଲା ସେ । 

  

 ଗତ ଥର ସିନା କେସ୍ ରେ ହାରି ଯାଇଥିବାରୁ ସେ ଜିତିବା ପାଇଁ ଆଶା ରଖିଥିଲା । ଏଥର କିନ୍ତୁ କିଛିବି ଆଶା ନଥିଲା ଅନ୍ୟ ମାନଙ୍କଠୁ କି ନିଜଠୁ ବି । ଖାଲି ସେ ଚାହୁଁଥିଲା ଚରମ ଶାନ୍ତି ଏ ଦୁନିଆ ରୁ ମୁକ୍ତି । 

ବାସ୍ ନିଜ ଭେନ୍ କାଟି ଦେଇଥିଲା କିନ୍ତୁ ତା ପୂର୍ବରୁ ସେ କାମ ପାଇଁ ଏମିତି ଏକ ଯାଗା ବାଛିଥିଲା ଯୋଉଠିକି ଦିନରେ ବି ମଣିଷ ମାନେ ଯିବାକୁ ଭୟ କରନ୍ତି । ଭାବିଲା ଏଇ ପଦକ୍ଷେପ ତାର ନିଷ୍ଫଳ ହେବନି ।


  ସେ ଯେତେବେଳେ ଆଖି ଖୋଲିଲା ସେତେବେଳେ ସେ ନିଶ୍ଚିତ ହୋଇ ଯାଇଥିଲା ଯେ ସେ ସ୍ବର୍ଗରେ ଅଥବା ନର୍କରେ । କିନ୍ତୁ ସେତେବେଳେ ତା ଆଖି ସାମ୍ନାରେ ମେଡିକାଲ ବେଡ୍ ଉପରେ ବସିଥିଲେ ପ୍ରଣୟ । ଆଉ ତା ହାତ ଧରି କହିଥିଲେ


 -- ତମକୁ କ'ଣ ଏଇଥି ପାଇଁ ସେଦିନ ଟ୍ରେନ ଲାଇନରୁ ବଞ୍ଚେଇ ଥିଲି ? କ'ଣ କରୁଛ ତୁମେ ଏସବୁ ? ଏମିତି ପରିସ୍ଥିତି କୁ ଡରି ଜୀବନ ହାରିଦେବା କ'ଣ ଉଚିତ ସମାଧାନ।


 ଦୁନିଆଁ ତୁମ ପାଇଁ ଉପହାର ସ୍ବରୂପ ତୁମେ ଦୁନିଆଁ କୁ କିଛି ଉପହାର ଦିଅ । ବଞ୍ଚିବା ପାଇଁ କ'ଣ ଗୋଟିଏ ରାସ୍ତା ? ଏଠି ପା ନିଜ ଇଛାରେ ଆପଣେଇ ନେବାକୁ ହଜାରେ ରାସ୍ତା ପଡ଼ିଛି ।  ଶ୍ରଦ୍ଧା ଚାହିଁଥିଲା ଝରକା ଦେଇ ବାହାରକୁ ସେଦିନ ରାତିରେ ବି ଜହ୍ନ ଚିକ୍ ମିକ୍ କରୁଥିଲା ଆକାଶରେ । ଯେମିତି ତା'କୁ କହୁଥିଲା ଆଖି ବୁଜି ୟା ହାତ ଧଅ ଇଏ ତୋ ପାଇଁ ଦେବତା ।


ପ୍ରଣୟ ଶ୍ରଦ୍ଧାକୁ ନୂଆ ଆଶା ନୂଆ ବିଶ୍ବାସ ଦେଇ ବଞ୍ଚିବାର ରାହା ବନିଥିଲା । ତା ସାଥିରେ ଉତ୍ତମ ବନ୍ଧୁଟେ ହୋଇ ରହିଥିଲା । ଶ୍ରଦ୍ଧା ପ୍ରଣୟଙ୍କ ସହ ଏତେ ଖୁସିରେ ଥିଲା ଯେ ଆଉ ଅଣୁ ଟେ ବି ଅଭିଯୋଗ ନଥିଲା ଇଶ୍ବର ଙ୍କ ପାଖରେ କିଛି ତାର ।  କିନ୍ତୁ ଯେତେବେଳେ ସମାଜ ବନ୍ଧୁ ବାନ୍ଧବ ଅନ୍ୟମାନେ ସଂପର୍କ ଉପରେ ଆଙ୍ଗୁଠି ଦେଖାଇଲେ ।  ସେତେବେଳେ ଆଉ କିଛି ଉପାୟ ନପାଇ ଶ୍ରଦ୍ଧା ର ଅନୁମତି ନେଇ ତା ସିନ୍ଥିରେ ସିନ୍ଦୂର ଭରିଥିଲା ପ୍ରଣୟ । ଆଉ ଆଜି ଏଇ ଜହ୍ନ ରାତିକୁ ଦେଖିଦେଲେ ଶ୍ରଦ୍ଧାର ମନେ ପଡି ଯାଉଛି ପ୍ରଣୟ ଆଉ ଜହ୍ନ ରାତି ସହ ବିତିଥିବା ଏଇ ବିଶେଷ ମୁହୂର୍ତ୍ତ ସବୁ ।


  ଇଲୋ ମା ଲୋ ହଠାତ୍ ଶ୍ରଦ୍ଧା ଜିଭ କାମୁଡି ଦେଲା ।


ଆରେ ଡବଲ ଅଣ୍ଡା ଆମଲେଟ ବନେଇବାର ଅଛି ପୁଣି , ଆମ ସାର୍ ଜୀ ଏବେ ଆସିଯିବେ ଯେ ।


Rate this content
Log in

More oriya story from Parameswar Ojha

Similar oriya story from Romance