End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

Kalyani Nanda

Romance


1.3  

Kalyani Nanda

Romance


ଅବ୍ୟକ୍ତ ପ୍ରେମ

ଅବ୍ୟକ୍ତ ପ୍ରେମ

4 mins 168 4 mins 168


ସକାଲ ସୂରୁଜର କଅଁଳ କିରଣ ସ୍ପର୍ଶରେ ଗଛ, ପତ୍ର, ଫୁଲ ସବୁ ଯେମିତି ନବ ଜୀବନ ପାଇ ସତେଜ ଦେଖା ଯାଉଥାଏ । ଫଗୁଣର ଧିର ପବନ ମନ, ପ୍ରାଣକୁ ଆମୋଦିତ କରୁଥାଏ । ମୁଁ ମନ୍ଦିର ସିଢି ଚଢୁ ଚଢୁ ହଠାତ୍ ଅଟକି ଗଲି । କାହାକୁ ଦେଖୁଛି ମୁଁ ! ! ଦୀପିକା ? ? ହଁ ତ, ଇଏ ତ ଦୀପିକା । ମୋ ଦୀପିକା । ହଠାତ୍ ପ୍ରକୃତିସ୍ଥ ହେଲି । ଇଏ କଣ ଭାବୁଛି ମୁଁ ?ସତରେ କଣ ଦୀପିକା ମୋର ? ସେ ତ ଆଉ କାହାର ହୋଇ ସାରିଛି । ମୋର କେମିତି ହେବ ? ପୁଣିଥରେ ଚାହିଁଲି ଦୀପିକା ର ସେଇ ସୁନ୍ଦର, ଗୋରା, ଶାନ୍ତ ଚେହେରାକୁ । ମଥାରେ ତା ନାଲି ସିନ୍ଦୁର ଟୋପା ତା ସୌନ୍ଦର୍ଯ୍ଯ କୁ ଆହୁରି ବଢାଇ ଦେଉଥାଏ । ସତରେ ଦୀପିକା ଏ ଭିତରେ ଆହୁରି ସୁନ୍ଦର ହେଇ ଯାଇଛି । ଭିଜା ଭିଜା ଲମ୍ବା ଗହଳ କେଶ ତା କମର ଯାଏ ଛୁଉଁ ଥାଏ ।ମନ୍ଦିର ସିଢି ରୁ ଓହ୍ଲାଇ ଆସୁଥାଏ ଦୀପିକା । ହାତରେ ପୂଜା ଥାଳୀ , ଦେହ ରେ ନାଲି ଧାଡିର ମଠା ଶାଢୀ । ଶାନ୍ତ, କମନୀୟ,ସ୍ନିଗ୍ଧ ତପ ଚାରିଣୀ ଟିଏ ଯେମିତି । ମୁଁ ଯେମିତି ତାକୁ ଦେଖି ହତବାକ୍ ହୋଇ ଯାଇଥିଲି । ଦୀପିକା କିନ୍ତୁ ମୋତେ ଦେଖି ନେଇଥିଲା । ମୋ ପାଖକୁ ଆସି ପଚାରିଲା, " ଆରେ ସୋମେଶ ତୁମେ ଏଠି ? କେବେ ଆସିଲ ?"ହଠାତ୍ ଚମକି ପଡି ମୁଁ ଚାହିଁ ଦେଖିଲି ଦୀପିକା କୁ । ଅଳ୍ପ ହସି କହିଲି, " ହଁ କିଛି ଦିନ ଛୁଟି ନେଇ ଆସିଛି ଘରକୁ । ଏବେ ଏଠି ଭୂବନେଶ୍ୱର ରେ ସାନଭାଇ ଫ୍ଲାଟ ନେଇ ରହୁଛି । ବାବା, ମା ବି ତା ପାଖରେ ଅଛନ୍ତି ।" ଦୀପିକା ପୁଣି ପଚାରିଲା, "ଏବେ କଣ କରୁଛ ?" " ବମ୍ବେ ରେ ଗୋଟିଏ ପ୍ରାଇଭେଟ କମ୍ପାନୀରେ ଜବ କରୁଛି ।" ମୁଁ କହିଲି । "ଆଉ ତୁ ଏଠି ? ତୋ ବାହାଘର ହେବା ଖବର ଜାଣିଥିଲି । କେମିତି ଅଛୁ ?"ମୁଁ ପଚାରିବାରୁ ଦୀପିକା କହିଲା ଯେ ସେ ବି ଭୁବନେଶ୍ଵର ରେ ରୁହେ । ତା ସ୍ବାମୀ ବିଜନେସ୍ କରନ୍ତି । ତା ଭୋଗ ଥାଳିରୁ ଭୋଗ ଦେଲା ମୋତେ । ଏତିକି ବେଳେ ଦୀପିକା ର ଡ୍ରାଇଭର୍ ଆସି ତାକୁ ଯିବାକୁ କହୁଥାଏ। ଦୀପିକା ସହିତ ଆଉ କିଛି ସମୟ କଥା ହେବାକୁ ମୋର ଇଚ୍ଛା ଥାଏ। ବହୁତ କିଛି ପଚାରିବାକୁ , ଜାଣିବାକୁ ଇଚ୍ଛା ହେଉଥାଏ । କିନ୍ତୁ...? ନା ଥାଉ । ସେ ଏବେ ଆଉ କାହାର ଘରଣୀ । ଇଏ ତ ଆଉ ମୋ ଦୀପିକା ନୁହଁ । ମୋ ପ୍ରଥମ ପ୍ରେମ । କେବେ ଦିନେ ମୁଁ ତାକୁ ଭଲ ପାଇ ବସିଥିଲି କିନ୍ତୁ କେବେ ମୋ ପ୍ରେମ କୁ ତା ଆଗରେ ପ୍ରକାଶ କରି ପାରି ନ ଥିଲି । ସେ ବା କାହୁଁ ଜାଣିବ, ସେ ହିଁ ମୋ ପ୍ରେୟସୀ, ମୋ ମନରେ ପ୍ରଥମ ପ୍ରେମ ର ରଂଗ ସେ ହିଁ ବୋଳି ଦେଇଥିଲା । ସେ ତ ମୋତେ କେବଳ ସ୍କୁଲ ସାଂଗ ଭାବରେ ହିଁ ଜାଣିଥିଲା । ଗାଁ ସ୍କୁଲରେ ଆମେ ଦୁହେଁ ସାଂଗ ହୋଇ ଗୋଟିଏ ଶ୍ରେଣୀ ରେ ପଢୁଥିଲୁ । ଯୌବନ ର ପ୍ରଥମ ସୋପାନରେ ସେ ଓ ମୁଁ କେବଳ ବନ୍ଧୁ ଥିଲୁ । ଦୀପିକା ଦେଖିବାକୁ ଖୁବ୍ ସୁନ୍ଦର ଥିଲା । କିନ୍ତୁ ଖୁବ୍ ଶାନ୍ତ ଓ ତା ବ୍ଯବହାର ବି ମାର୍ଜିତ ଥିଲା । ମୁଁ ବି ବେଶ ଚୁପ ଚାପ ସ୍ବଭାବର ଥିଲି । ପଢା ପଢି ରେ ଶ୍ରେଣୀରେ ମୁଁ ଆଗୁଆ ଥିଲି ।ଦୀପିକା ପଢାପଢିରେ ବେଶି ଭଲ ନ ହେଲେ ବି ଖରାପ ବି ନ ଥିଲା । ପଢା ପଢି ରେ ମୁଁ ତାକୁ ସାହାଯ୍ଯ କରୁଥିଲି । ଆମ ଦୁହିଁଙ୍କର ଭିତରେ ଭଲ ବନ୍ଧୁତା ଥିଲା କିନ୍ତୁ କେବେ ମୋ ମନ ଭିତରେ ତା ପ୍ରତି ଅନୁରାଗ ସୃଷ୍ଟି ହେଲା ମୁଁ ନିଜେ ବି ବୁଝିପାରି ନଥିଲି । ଯୌବନର ପ୍ରଥମ ଅନୁଭୂତି, ଏକ ନୂତନ ଆକର୍ଷଣ । ଦୀପିକା କୁ ଦିନେ ନ ଦେଖିଲେ ମୋତେ ଭଲ ଲାଗେନି । ଭାରି ଆନମନା ହେଇଯାଏ ମୁଁ ଦିନ ତମାମ। ଦୀପିକା କୁ ଦେଖିବା କ୍ଷଣି ମୋ ହୃଦୟ ର ସ୍ପନ୍ଦନ ବଢିଯାଏ । ମୁଁ ସ୍ବପ୍ନ ଦେଖେ । ମୋ ଚାରି ପାଖେ ଯେମିତି ଫୁଲ ସବୁ ମହ ମହ ହୋଇ ବାସେ । ଫଗୁଣର ର ରଂଗ ମୋ ଦେହ, ମନ କୁ ଯେମିତି ରଂଗେଇ ଦିଏ । ଦୀପିକା କିନ୍ତୁ କିଛି ଜାଣି ପାରେନା । ଦୀପିକା ହୁଏତ ମୋତେ ପସନ୍ଦ କରେ କିନ୍ତୁ ପ୍ରେମ ...? ନା ତା ମନକୁ ବୋଧେ ପ୍ରେମ ଛୁଇଁ ନ ଥିଲା । ପ୍ରେମ କଣ ସେ ବୁଝିବା ଆଗରୁ ମୁଁ ତା ଠୁ ଦୂରେଇ ଯାଇଥିଲି । ଉଚ୍ଚ ଶିକ୍ଷା ପାଇଁ ଗାଁ ଛାଡି ଦୂରକୁ ଚାଲି ଯାଇଥିଲି । ମୋ ପ୍ରେମ ର ପରିଭାଷା ମୋ ଠି ସୀମିତ ହୋଇ ରହିଗଲା । ଦୀପିକା ପ୍ରତି ମୋ ଅକୁହା ପ୍ରେମ ଅକୁହା ହୋଇ ରହିଗଲା । ଦୀପିକା ର ବାହାଘର ହେଇଗଲା । ସେ ତା ସଂସାରରେ ବ୍ଯସ୍ତ । ସୁଖୀ ବି ହୋଇଛି । ମୁଁ କିନ୍ତୁ ତାକୁ ଭୁଲି ପାରି ନ ଥିଲି । ମୋ ତା ପ୍ରତି ଭଲ ପାଇବା, ପ୍ରେମ ଏବେ ବି ଅଛି । ଯଦିଓ ବିବାହିତା ଦୀପିକା କୁ ଦେଖି ମୁଁ ହତବାକ ହୋଇ ଯାଇଥିଲି । ମୋ ଅନ୍ତରର କେଉଁ କୋଣରେ ଏକ ଅବ୍ୟକ୍ତ ଯନ୍ତ୍ରଣା ହାହାକାର କରି ଉଠିଥିଲା । ମୋ ପ୍ରଥମ ପ୍ରେମର ଗାଢ ରଂଗ ଧିରେ ଧିରେ ଫିକା ପଡି ଯାଉଥାଏ । କିନ୍ତୁ ଦୀପିକା ର ଆନନ୍ଦ ରେ ଝଲମଲ କରୁଥିବା ମୁହଁକୁ ଦେଖି ମୁଁ ଜାଣି ପାରୁଥିଲି ଯେ ସେ ବହୁତ ଖୁସିରେ ଅଛି । ସେଇ ତକ ମୋ ପାଇଁ ଶାନ୍ତ୍ୱନା ଥିଲା । ତା ମନରେ ମୁଁ ମୋ ପ୍ରେମର ରଂଗ ସିନା ବୋଳି ଦେଇ ପାରିଲିନି କିନ୍ତୁ ଆଉ କାହା ପ୍ରେମର ପବିତ୍ର, ଶୁଦ୍ଧ , ଖୁସିର ରଂଗରେ ସେ ଯେ ଦୀପ୍ତିମୟୀ ହୋଇ ଉଠିଛି, ସେତକ ମୋ ପ୍ରଥମ ପ୍ରେମର ରୂପକୁ ଆହୁରି ସୁନ୍ଦର କରି ତୋଳୁଥାଏ। ତା ଖୁସିରେ ମୁଁ ବି ଆନନ୍ଦ ଅନୁଭବ କରୁଥାଏ । ମୋ ହୃଦୟର କେଉଁ ଏକ ଅନ୍ଧାର କୋଣରେ ତା ପ୍ରତି ମୋ ପ୍ରଥମ ପ୍ରେମ ର ଆଲୁଅ ଯେମିତି ଦିକ୍ ଦିକ୍ କରି ଜଳୁଥାଏ ।



Rate this content
Log in

More oriya story from Kalyani Nanda

Similar oriya story from Romance