ସମୟ ମାଗୁଛି ସମ୍ମାନ ଟିକେ

ସମ୍ମାନ ଅଟଇ ବଡ ବଳବାନ 

ସମ୍ମାନ ବି ମୂଲ୍ଯବାନ 

ଅତୀତ ଭବିଷ୍ୟ ଏକକ ସମ୍ମାନ

ସବିଶେଷ ବର୍ତ୍ତମାନ ।

କର୍ମ ଧର୍ମ ସେବା ପଥର କଷଟି

ଜୀବନ ସମୀକରଣ

ସମୟର ହେଲେ ସତ ଉପଯୋଗ

ଉପୁଯଇ ସମାଧାନ ।

ଜୀବନ ଅଟଇ କ୍ଷୁଦ୍ରାଦପି କ୍ଷୁଦ୍ର 

ସମୟ ଅଂଶ ବିଶେଷ

ଆଳସ୍ୟ ବିଷାଦେ କରନାହିଁ କେବେ

ସମୟ ଅଯଥା ନଷ୍ଟ ।

ବାଧା ପ୍ରତିବନ୍ଧେ ରହି ଅବିଚଳ

ରଖି ଦୃଢ ମନୋବଳ

ସ୍ରୋତ ପ୍ରତିକୂଳ ହୁଅ ସମ୍ମୁଖୀନ 

ଲକ୍ଷ୍ଯ ରଖି ନିଜ ସ୍ଥିର ।

ଶୁଣ କାନ ପାତି ସମୟ ଆହ୍ୱାନ 

ସମୟର ସମତାଳେ

ଜୀବନ ତରୀକୁ ଚଳାଅ ନାବିକ

ପ୍ରତିକ୍ଷେପ ସଯତ୍ନରେ ।

ସମୟ ମାଗୁଛି ସମ୍ମାନ ଟିକିଏ 

ବଞ୍ଚି ବଞ୍ଚାଇବା ଶିଖ

ଆଲୋକ ଉଜ୍ଜ୍ବଳ ସତ୍ଯ ଚିରନ୍ତନ 

ପଥେ ମିଳେ ସ୍ବର୍ଗସୁଖ ।