ଗୁରୁ ଦକ୍ଷିଣା

ଗୁରୁ ମାଗନ୍ତି ନାହିଁ ପାଉଣା

ଶିଷ୍ୟ ଦିଅନ୍ତି କିନ୍ତୁ ଦକ୍ଷିଣା

ସେ ଦକ୍ଷିଣା ନୁହେଁ ମାଗୁଣି

ଶିଷ୍ୟର ପରୀକ୍ଷା ଗଉଣି l

 ଏକଲବ୍ୟ ଉପମନ୍ୟୁ ଆରୁଣୀ

ଅଛି ଅତୀତ ସାକ୍ଷୀ ସାରଣୀ

ଗୁରୁ ବ୍ରହ୍ମା ବିଷ୍ଣୁ ଗୁରୁ ମହେଶ୍ୱର

ଗୁରୁ ହିଁ ସାକ୍ଷାତ ଇଶ୍ୱର l

ଗୁରୁ ପୂଜନେ ଦିବ୍ୟଜ୍ଞାନ

ବାଳକେ କର ଆହରଣ

ଗୁରୁ ବଚନ ନକରି ଆନ

ଗୁରୁଙ୍କ କଥା ସଦା ମାନ l

ପାଇବ ଦର୍ଶନ ଭଗବାନ

ଗୁରୁ ଅଟନ୍ତି ଶ୍ରେଷ୍ଠ ଜ୍ଞାନ ଧନ

ଗୁରୁଙ୍କୁ ନକରିବା ଅପମାନ

ସହିବା କରି ଉଚିତ କର୍ମମାନ

ଗୁରୁ ଆଦେଶ ଶିରୋଧାର୍ଯ୍ୟ l

ଗୁରୁ ଅଟନ୍ତି ଶ୍ରେଷ୍ଠ ଆଚାର୍ଯ୍ୟ

ଗୁରୁ ବିନା ଗତି ମୁକ୍ତି ନାହିଁ

ଗୁରୁ ବିନା ମାନ ସମ୍ମାନ କାହିଁ

ବିଦ୍ୟା ବୁଦ୍ଧି ଜ୍ଞାନ କୌଶଳ

ଗୁରୁ ପୂଜିଲେ ସାଧନ ମଙ୍ଗଳ l