ରାଖୀ ରଖିବ ମାନ
ରାଖୀ ରଖିବ ମାନ
ଅତୁଟ ରହିବ ସ୍ନେହ ବନ୍ଧନ
ଏଇ ରାଖୀ ମୋର ରଖିବ ମାନ
ବରଷ କୁ ଆସେ ଗହ୍ମା ପୁନେଇଁ
କେତେ ସ୍ନେହ ଶ୍ରଦ୍ଧା ଆଦର ନେଇ ।
ଭାଇ ଭଉଣୀ ଏ ଆନନ୍ଦ ମନ
ପାଳନ କରନ୍ତି ରକ୍ଷା ବନ୍ଧନ ।
ଉତ୍ସବ ମୁଖର
ହୁଏ ଏହି ଦିନ ଗ୍ରାମ ନଗର ।
ଭଉଣୀ ଆଦରେ ଭାଇ ହାତ ରେ
ରାଖୀ ବାନ୍ଧି ତାର ସୁରକ୍ଷା କରେ ।
ଏଣୁ କହି ଥାଉ ରକ୍ଷା ବନ୍ଧନ
ସୂତା ଖିଅ ଟିଏ ରଖଇ ଟାଣ ।
ସ୍ନେହ ଶ୍ରଦ୍ଧା ପ୍ରୀତି
ପ୍ରବାହେ ପ୍ଲାବିତ କରାଏ ନିତି ।
ଭାଇ ହାତେ ବାନ୍ଧି ଦେଇ ରାକ୍ଷୀ ଟି
ଭଉଣୀ ମନ ରେ ଅପାର ତୃପ୍ତି ।
ଭାଇ କୁ ମିଠାଇ ଖୁଆଇ ଦିଏ
ସ୍ନେହ ସୁସମ୍ପର୍କ ନିବିଡ଼ ହୁଏ ।
ଆହା କି ଆଦରେ
ସୁଖେ ଦୁଃଖେ ଚଳି ଆନନ୍ଦ ଭରେ ।
ଭଉଣୀ ସମ୍ମାନ ସୁରକ୍ଷା ପାଇଁ
ଭାଇ କୁ ଗୁହାରୀ କରି କହଇ ।
ଅତୁଟ ରହିବ ସ୍ନେହ ବନ୍ଧନ
ଏଇ ରାଖୀ ମୋର ରଖିବ ମାନ ।
ଆହା କି ସରାଗେ
ରାଖୀ ବାନ୍ଧି ଦେଇ ଆଶିଷ ମାଗେ ।