ଶଗଡ଼ ଗୁଳା

ପାହାନ୍ତା କାକଳି

ଡ଼ାମରା ରଡ଼ି 

ଆଖି ଆଗରେ ଦୀନବନ୍ଧୁଙ୍କ 

ଦୃଶ୍ୟ ଜଗତର

ନିତ୍ୟ ଲୀଳା

ଆମ ରାସ୍ତାରେ

ଗଣ୍ଠିଲି ବୋଝେଇ 

ହାଟରୁ ଫେରୁଛି 

ଘଙ୍ଗୁଡ଼ି ବଳଦ 

ଚାରିଆଡେ ନିଶାଚର।

କାଲିଉଡ଼ିବ ତ୍ରିରଙ୍ଗା

ସନିଆ ଭାଇ

ଦୁଃଖରେ ତାଳ ପାଉନାହିଁ,

ପାଞ୍ଚପ୍ରାଣୀ କୁଟୁମ୍ବ

ରାତି ପାହିଲେ

 ତେଲ ଲୁଣ ସଂସାର

ଉକୁଟି ପଡୁଛି

ଭିଜା ଦେହ ଝାଳରେ ।

ପଚୋସ୍ତରୀଟି 

ସ୍ବାଧୀନ ପତାକା

 ଉଡେଇ ଦେଲେଣି 

ବର୍ଷକୁ ବର୍ଷ,

କୋଠା ଘର

ପକା ରାସ୍ତା

ପେଟ ପୋଷିବାର

ବାଟ ମାରଣ

ଦଳୀୟ ପତାକା ବାଲା

ଉପର ମୁଣ୍ଡିଆ

ନେତା ମାନଙ୍କ

ହାତରେ ପାଞ୍ଚଣ

ଗଛ ପରି ଫଳ ଦେଉଛୁ

 ଜନ ସାଧାରଣ।

ପତାକା ତଳେ 

ଗୀତା ଛୁଇଁ

ସେବକ ଅଭିନୟ,

ସାତ ପୁରୁଷର

 ଭିଟା ମାଟି ଦେଇପିଣ୍ଡକୁ 

ଶ୍ରାଧ ଦେଇଆସୁଛି

ମାଟିର ମଣିଷ

ହଳ ବଳଦ ବଳ 

ଲୋଟୁଛି ସୁନାର ଫସଲ,

ସ୍ବାଧୀନତାର ତ୍ରିରଙ୍ଗା ପାଇଁ 

 ସବୁଠି ଭାଷଣ 

କେତେକ ସହିଦଙ୍କୁ 

ସହିବାକୁ ପଡୁଛି କଷଣ।

କଷଣ ।