ରଜ ଦୋଳି ଗୀତ

ଆକାଶେ ଉଇଁଲା ଚାନ୍ଦ (ଘୋଷା)

ତୋ ମୁଖ ଦିଶୁଛି ସତେ କୁମୁଦ

ସତେ କୁମୁଦ ଲୋ

କରନା ଆଉ ତୁ ଛନ୍ଦ

ବଉଳ ଲୋ ,କରନା ଆଉ ତୁ ଛନ୍ଦ ।

ବାଜିଲା ରଜର ବାଜା (ଘୋଷା)

ତୋ ପାଇଁ ପାଉଛି ମୋ ଭାଇ ସଜ୍ଜା

ମୋ ଭାଇ ସଜ୍ଜା ଲୋ

ରଜରେ କରି ଦେ ତାଜା 

ବଉଳ ଲୋ , ରଜରେ କରିଦେ ତାଜା ।

ଗଛରେ ଲଗାଇ ଦୋଳି (ଘୋଷା)

ମୋ ଭାଇ କରୁଛି ତୋ ପାଶେ ଅଳି

ତୋ ପାଶେ ଅଳି ଲୋ

ନକର ତା ସଙ୍ଗେ ଅଳି

ବଉଳ ଲୋ ,ନକର ତା ସଙ୍ଗେ ଅଳି ।

ବାଉନ ମସଲା ପାନ (ଘୋଷା)

ସେଥିରେ ବୋଳିଛି ପୀରତି ପ୍ରେମ

ପୀରତି ପ୍ରେମ ଲୋ

ଲିଭିବ ତୋ ମୁହଁ ତମ

ବଉଳ ଲୋ , ଲିଭିବ ତୋ ମୁହଁ ତମ ।

ସକାଳୁ ଦୋକାନ ଗଲା

ପୋଡ଼ ପିଠା ଖଣ୍ଡେ ଅର୍ଡର୍ ଦେଲା

ଅର୍ଡର ଦେଲା ଲୋ

ଖାଇଲେ ଝୁଲିବୁ ଝୁଲା 

ବଉଳ ଲୋ , ଖାଇଲେ ଝୁଲିବୁ ଝୁଲା ।

ସୁନା ପେଣ୍ଡି ଫୁଲ ଝରା (ଘୋଷା)

ନାଇଲେ ଦିଶିବୁ ଚାନ୍ଦଠୁ ତୋରା

ଚାନ୍ଦଠୁ ତୋରା ଲୋ

ଲୁଚି ଯିବେ ଜହ୍ନ ତାରା 

ବଉଳ ଲୋ, ଲୁଚି ଯିବେ ଜହ୍ନ ତାରା ।

ପିନ୍ଧିବୁ ଗୋଲାପି ପାଟ (ଘୋଷା)

ମୋ ଭାଇ ମନଟା ଭାରି ଉଚାଟ

ଭାରି ଉଚାଟ ଲୋ

ରାଜି ହୁଅ ଫଟାଫଟ୍

ବଉଳ ଲୋ, ରାଜି ହୁଅ ଫଟାଫଟ୍ ।

ବଉଳ ପାଟକୁ ପିନ୍ଧି (ଘୋଷା)

ମିଛି ମିଛି କାନ୍ଦ ଆସବୁ କାନ୍ଦି

ଆସିବୁ କାନ୍ଦି ଲୋ

ମୋ ଘରେ ହୋଇବୁ ବନ୍ଦୀ

ବଉଳ ଲୋ ,ମୋ ଘରେ ହୋଇବୁ ବନ୍ଦୀ ।

ଆସିବ ଚଉଠି ରାତି (ଘୋଷା)

ଛାତିରେ ନରଖ ଛାତିଏ ଭୀତି

ଛାତିଏ ଭୀତି ଲୋ ଭାଇ ଥିବ ତୋର କତି

ବଉଳ ଲୋ , ଭାଇ ଥିବ ତୋର କତି ।

ଭାଙ୍ଗି ଦେ ଗୁମାନ ତୋର

ଏଇ ବର୍ଷ ରଜ ଶେଷ ଏଠାର

ଶେଷ ଏଠାର ଲୋ 

ଆଗ ବର୍ଷ ମୋର ଘର

ବଉଳ ଲୋ, ଆଗ ବର୍ଷ ମୋର ଘର ।