ସବୁଜ ପୃଥିବୀ
ସବୁଜ ପୃଥିବୀ
ବିଶ୍ବ ବ୍ରହ୍ମାଣ୍ଡରେ ଆମେ ଜାଣିବାରେ
ଏକମାତ୍ର ଗ୍ରହ ଅଛି
ଯହିଁ ସ୍ବଚ୍ଛ ବାୟୁ ସବୁଜିମା ମଧ୍ୟେ
ଜୀବନ ତିଷ୍ଠି ପାରିଛି ।
ବ୍ରହ୍ମାଙ୍କ ସୃ୍ଷ୍ଟିରେ ସର୍ବୋତ୍ତମ ସ୍ଥାନ
ଅଟଇ ଆମ ପୃଥିବୀ
କାମଧେନୁ ପରି ସକଳ କାମନା
ପୂରଣ କରେ ପୃଥିବୀ ।
କୋଟି କୋଟି ଜୀବ ଧାରଣ କରିଛି
ଜୈବ ବିବିଧତା ଭରା
ଧନ ଧାନ୍ୟ ପୁ୍ଷ୍ପ ଫଳ ବୃକ୍ଷେ ଭରା
ନଦ ନଦୀ ସିନ୍ଧୁ ଭରା ।
କାହାର କିଛିିବି ଅଭାବ ରଖିନି
ସର୍ବଂସହା ବସୁନ୍ଧରା
ସୁନ୍ଦର ସପନେ ତିଆରି ହୋଇଛି
ଆମ ମା ବସୁନ୍ଧରା ।
ଧରଣୀ ମାଆର ସୁଯୋଗ୍ୟ ସନ୍ତାନ
ମଣିଷର କାର୍ଯ୍ଯମାନ
ବିଦୀର୍ଣ୍ଣ କରିଛି ଧରଣୀ ମାତାକୁ
ଦେଉଛି ନାନା କଷଣ ।
ଜନ ବିଷ୍ଫୋରଣ ଦ୍ରୁତ ଶୀଳ୍ପାୟନ
ବଢାଉଛି ପ୍ରଦୂଷଣ
ଅରଣ୍ୟ ସମ୍ପଦ ବିନଷ୍ଟ କରୁଛି
ଦୂର୍ବିସହ ଏ ଜୀବନ ।
ସବୁଜିମା ଧୀରେ ଧୀରେ ଲୋପ ପାଇ
ଉତ୍ତପ୍ତ କରୁଛି ଧରା
ସବୁଜ କୋଠରୀ ପ୍ରଭାବ ବଢୁଛି
ବରଫ ତରଳେ ପରା ।
ସମୁ୍ଦ୍ର ପତ୍ତନ ବଢିବାରେ ଲାଗେ
ଜଳମଗ୍ନ ବେଳାଭୂମି
ମଣିଷ ଧରାରେ ରହିବାର ଲାଗି
ସଂକ୍ଷିପ୍ତ ହୋଇବ ଭୂମି ।
ଜଙ୍ଗଲର କ୍ଷୟ ବିଶ୍ବ ଜଳବାୟୁ
ପରିବର୍ତ୍ତନ କାରକ
ନାନା ମହାବ୍ୟାଧୀ ମହାମାରୀ ସାଜି
ଘଟାଏ ଜୀବ ମଡକ ।
ବୃକ୍ଷ କାଟି ନର ରଚେ ବାସଘର
ଗଢେ କଳ କାରଖାନା
ଗଛ ଲଗାଇବା ଭୁଲି ଯାଉଅଛି
ହେଉଅଛି ଆନମନା ।
ବର୍ଷା ନିୟମିତ ହେଉନି ଧରାରେ
ହେଉଛି ଅସହ୍ୟ ଖରା
ମାଘ ମାସେ ଆଉ ବାଘ ଶୀତ ନାହିଁ
ଫଗୁଣେ ଅସହ୍ୟ ଖରା ।
ସବୁଜ ପୃଥିବୀ ସବୁଜ ରହିଲେ
ପରିବେଶ ରହେ ସ୍ବଚ୍ଛ
ଜଙ୍ଗଲ ସମ୍ପଦ ସଂରକ୍ଷଣ ଲାଗି
ଆସ ଲଗାଇବା ଗଛ ।
ବୃହତ ବୃକ୍ଷର ସଂରକ୍ଷଣ ସଙ୍ଗେ
ରୋପଣ କରିବା ଚାରା
ସବୁଜ ପଣତ ବରଷା ଧାରାରେ
ଭିଜାଇ ନାଚିବ ଧରା ।
ବିଲୁଆ ଡାକିବ ମୟୂର ନାଚିବ
କୋଇଲି ଗାଇବ ଗୀତ
ହାତୀ ରଡି ଦେବ ବାଘ ଗରଜିବ
ସିଂହରାଜା ହେବ ମିତ ।
ମିରିଗ ଧାଇଁବ ବାଘ ଗୋଡାଇବ
ସର୍ବପ୍ରାଣୀ ଆତ ଯାତ
ଶାନ୍ତି ପୂର୍ଣ୍ଣ ହେବ ସବୁରି ଜୀବନ
ହେବା ସକଳର ମିତ।
ସବୁଜ ସୁ୍ନ୍ଦର ରହିଣ ହସିବ
ଆମ ମାତା ବସୁନ୍ଧରା
ଜୈବ ବିବିଧତା ଅକ୍ଷୂଣ୍ଣ ରହିବ
ହସିବ ଆମ ମାଆ ଧରା ।
ତେଣୁ କହୁଅଛି ଛୋଟ କଥାଟିଏ
“ଲଗାଇବା ଗଛଟିଏ”
“ଆସ ଲଗାଇବା ଗଛଟିଏ ଭାଇ
ଲଗାଇବା ଗଛଟିଏ ” ।