ଲାଇବ୍ରେରୀ
ପ୍ରୋଫାଇଲ୍
କଥା ରହିବ କାଳକୁ
କଥା ରହିବ କାଳକୁ
1 min
317
ମେଘ ପର ଖରା ଟାଣୁଆ ବଡ଼ ଲୋ
ସୁଖ ପରେ ଯେହ୍ନେ ଦୁଃଖ,
ରୂପ ଯଉବନ ମାନ ସନମାନେ
ମୋହିତ ସଂସାରୀ ଯାକ।
ଆଳିକ ସୁଖକୁ ଆବୋରି ଧରି ତୁ
ବିଭୋର ହେଉଥା ଯେତେ,
ଦି'ଘଡି ପରେ ଅନ୍ଧାର ନଇଁବ
ଉଣ୍ଡୁଥିବୁ ସୁଖ କେତେ।
ଶଗଡ଼ ବଢୁଛି ଆଗକୁ ଆଗକୁ
ଚକ ଯାଏ ଗଡ଼ି ଗଡ଼ି,
ଚକ କିବା କେବେ ବଢ଼ି ପାରିବ ଲୋ
ଆପଣା ଅଖକୁ ଛାଡ଼ି।
ନଈ ସୁଅ ସିନା ତଳକୁ ତଳକୁ
ଭଉଁରୀ କାଟୁଛି ଘେରା,
କବଳ କରିବ କାଳ ବଳେ କଳେ
ଜାଣି'ଥା ଯେତେ ପହଁରା।
କହିବା କଥାକୁ ଆଚରିଲେ ସିନା
କଥା ରହିବ କାଳକୁ
ବାକ୍ୟବୀର ମାତ୍ର କର୍ମଭୀରୁ ହେଲେ
ନୋହିବ କେଉଁ କୂଳକୁ।
