ଦୀପାଳି

ଅଯୋଧ୍ୟା ରାଜନ ରାଜା ରଘୁରାଣ

ପୂଜିଲେ ତୋର ପୟର

ମାରି ଦଶାନନ ବୈଦେହୀ କାରଣ

ଦେଲୁ ମା ଅଭୟ ବର ।

ପାପ ଭାରା ପୃଥ୍ଵୀ ଅରାଜକାତାରେ

ତମସାରେ ପରିପୂର୍ଣ୍ଣ

ସହସ୍ର ଦୀପାଳି ଛାମୁରେ ଜଳାଇ

କରିଥିଲେ ଆବାହନ ।

ମହାଭୟଙ୍କର ରୂପ ପ୍ରକଟିଲ

ଦେଇ ମହାଘୋର ରାବ

ଦୁର୍ଜ୍ଜୟ ଦାନବ ବୁକୁ ଫଟାଇଲ

ନରହିଲା ତାଙ୍କ ଠାଵ ।

କୋଟି ବାଳ ଅର୍କ ତେଜ ବିକାଶିତ

ସପ୍ତ ମେଘ ବର୍ଣ୍ଣ କାନ୍ତି

ପ୍ରତ୍ୟାଲୀଢ ପରା ଛିନ୍ନ ଶିର ମାଳା

ରୁଧିରରେ ବିଲୋପନ୍ତି ।

ମୁଣ୍ଡମାଳା ବିଭୂଷିତା ଘୋର ଦ୍ରଂଷ୍ଟା

ବିକଟାଳ ହସନ ମୁଖି

ମନ୍ଦାର ମଣ୍ଡିତ ରକ୍ତଜବା ବିଲ୍ଵ

ଜୟମା ଜୟ ସତାକ୍ଷୀ ।

ଚଞ୍ଚଳ କୁରଙ୍ଗୀ ନର ରକ୍ତ ଭକ୍ଷି

କରରେ ଖଡ୍ଗ ଖେଟକ

ବିଲମ୍ବିତ ଜିହ୍ୱା ଦିଗମ୍ବର ଦେହା

ଦୃଷ୍ଟି ହେତୁ ଟକମକ ।

ଲମ୍ବିତ କବରୀ କୁରାଳ ବଦନୀ

କୌମୋଦକି କାଳାଞ୍ଜରୀ

କମ୍ପିତ ମେଦିନୀ ଭାରା ନାସ କାରି

ଆସ ଥରେ ଅବତରୀ ।

ଶୁଣିଥିଲ ମାତଃ ଶ୍ରୀରାମ ଦୟିନି

ମଞ୍ଚ ପୁରେ ମା ଭବାନି

ଆନ ଥରେ ମାଡି ଦାନବଙ୍କ ବପୁ

ଆସ ଜଗତ ଜନନୀ ।

ଓଷ୍ଟେ ଚାପି ଗଳା ଉପବିତ ହାରା

ଅସ୍ତି ଚର୍ମ ମାଳା ଘେନ

ପ୍ରଦାନ କରମା ପାଏଡା ମାନଙ୍କୁ

ଶୁଭୁ ରଡ଼ି ଘନ ଘନ ।

ସହିହେଉନାହିଁ ଦୁରାଚାରି ଭାରା

ଦିନୁ ଦିନ ବଢ଼େ କୋପ

ଆସ ମା ତୁରିତେ କରୁଛୁ ପ୍ରାର୍ଥନା

ଶୁଭଙ୍କରି ଶୁଭ ଦୀପ l