ପ୍ରତିଜ୍ଞା

🌼

ଅଗଷ୍ଟ ଦେଇଛି ସଂକଳ୍ପ ର ଡାକ 

ଉଠିଛି ପ୍ରତିଜ୍ଞା ଚେଇଁ 

ଦୁହେଁ ନେଇଛନ୍ତି ଶପଥ କୁ ପାତି 

ଦେଶ ମାତୃକାକୁ ଛୁଇଁ 

ହଟିଯାଅ ଏଠୁ ଦୁର୍ବାର ପଣ 

ତେଜି ଆମ ଜନ୍ମଭୂଇଁ 

ଅଗଷ୍ଟ ଦେଇଛି ସଂକଳ୍ପ ର ଡାକ 

ଉଠିଛି ପ୍ରତିଜ୍ଞା ଚେଇଁ....................

ରଣ ଦୁନ୍ଦୁଭି ତୁର୍ଯ୍ୟ ନାଦରେ 

ନିନାଦିତ ହୁଏ ମହି 

ଦୁହେଁ ଦୁହିଁଙ୍କର ହାତ ଛନ୍ଦିଦେଇ 

ମନେ ବୀର ମନ୍ତ୍ର ଗାଇ 

ସ୍ୱାଧୀନ ବହ୍ନରେ ଦେବା ପାଇଁ ଝାସ 

ମଥା ଯାଇଅଛି ନଇଁ 

ଅଗଷ୍ଟ ଦେଇଛି ସଂକଳ୍ପ ର ଡାକ 

ପ୍ରତିଜ୍ଞା ଉଠିଛି ଚେଇଁ..................

ଦେବୁରେ ଜୀବନ ମାଟି ମାଆ ପାଇଁ 

ଯାଇଛି ରକତ ଝରି 

ଗୋରା କମାଣ ର ପିସାଚ ଗୋଳି ରେ 

ପ୍ରତିଜ୍ଞା ଯାଇଛି ମରି 

ଅଗଷ୍ଟ କାନ୍ଦୁଚି ତୁହାଇ ତୁହାଇ 

ପ୍ରତିଜ୍ଞା ଗଲା ମୋ କାଇଁ 

ଅଗଷ୍ଟ ଦେଇଛି ସଂକଳ୍ପ ର ଡାକ 

ପ୍ରତିଜ୍ଞା ଉଠିଛି ଚେଇଁ....................

ହେବିନାହିଁ ମୁହିଁ ଭୀରୁକାପୁରୁଷ 

ଧରିଛି ହାତରେ ଝଣ୍ଡା 

ତଥାପି ବଞ୍ଚିବି ସ୍ୱାଧୀନତା ନେଇ 

ଧରିଛି ତୀକ୍ଷ୍ଣ ଖଣ୍ଡା 

ମରିବି ମାରିବି ନାହିଁ ଡର ଆଉ 

ଚାଲି ଯାଅ ଯହିଁ ତହିଁ 

ଅଗଷ୍ଟ ଦେଇଛି ସଂକଳ୍ପ ର ଡାକ 

ପ୍ରତିଜ୍ଞା ଉଠିଛି ଚେଇଁ....................

🌼

ସୀତାଂଶୁ ଜେନା