ଚକୋରୀ ଚନ୍ଦ୍ରବଳୀ

ଅଦିନେ ଆକାଶୁ ବରଷିଲା ମେଘ 

ମେଣ୍ଟାଇଲା ମୋର ଶୋଷ 

ନବଦୃବାଦଳ ନଟ ଶ୍ୟାମଘନ 

ମୋ ପାଖକୁ ଆସ ଆସ 

ତୃଷ୍ନା ମୁଁ ଆଜି ପ୍ରେମର ପୁରବୀ 

ରଚିବାକୁ ସାଥେ ରାଶ 

ଅଦିନେ ଆକାଶୁ ବରଷିଲା ମେଘ ମେଣ୍ଟାଇଲା ମୋର ଶୋଷ.............

ଆସିଗଲା ଏବେ ମଧୁଝରା ରାତି 

କବରୀରେ କୃଷ୍ଣଚୂଡ଼ା 

ଅଳସ ଅଙ୍ଗରେ କିଏ ଜାଚିଦେଲା 

ରାଧା ତମାଳର ତୋଡ଼ା 

ଖସିଗଲା ପୁଣି ନିତମ୍ବରୁ ବିଛା 

ହୋଇନାହିଁ ସହବାସ 

ଅଦିନେ ଆକାଶୁ ବରଷିଲା ମେଘ 

ମେଣ୍ଟାଇଲା ମୋର ଶୋଷ.............

କସ୍ତୁରୀର ବାସ ମହକି ଉଠିଲା 

ତୁମକୁ ପାଇଲି ନାହିଁ 

ଛପି ଛପି ତୁମେ ଚୁପି ଚୁପି ଆସ 

କେଉଁଠି ଲୁଚିଛ କାହିଁ 

ସହି ପାରୁନାହିଁ ରହି ପାରୁନାହିଁ 

ଚକୋରୀ ଚନ୍ଦ୍ରାବକି 

ଆସ ଗୋ ସହସି ମନ କୁଞ୍ଜବନେ 

କରିବାକୁ ସାଥେ କେଳି.................