କ୍ରାନ୍ତି ଆଖିରେ ଅଗଷ୍ଟ ର ନିଆଁ

🌼

କାନ୍ତି ଆଖିରେ ଅଗଷ୍ଟ ର ନିଆଁ 

ଜଳେ ହୁତୁ ହୁତୁ ହୋଇ 

ଏମିତି ରଚିଛି ବିଭୀଷିକା ସତେ 

ସହିଦର ଜଳେ ଜୁଇ 

ଜାଳିଦେବ ସିଏ ଫିରିଙ୍ଗିର ହିଆ 

ସାଜି ଉଗ୍ର ମହାମାୟୀ 

କ୍ରାନ୍ତି ଆଖିରେ ଅଗଷ୍ଟ ର ନିଆଁ 

ଜଳେ ହୁତୁ ହୁତୁ ହୋଇ..................

କରିବ ମରିବ କରିଛି ସେ ପଣ 

ବଜ୍ର ଶପଥ ନେଇ 

ପାଇକ ରକତେ କପାଳେ ତାହାର 

ବିଜୟ ତିଳକ ନାଇ

ଧ୍ୱଂସ କରିବ ଗୋରା ଶିବିରକୁ 

ଅବିଳମ୍ବେ ଯୁଦ୍ଧେ ଯାଇ 

କ୍ରାନ୍ତି ଆଖିରେ ଅଗଷ୍ଟ ର ନିଆଁ 

ଜଳେ ହୁତୁହୁତୁ ହୋଇ...................

ଦିଗବିଦିଗ ଦେଇ ହୁଙ୍କାର 

ଫୁତ୍କାର କରେ ରହି 

ରଖିବି ନାହିଁ ଗୋରାକୁ ବାରେ 

ଛାଡୁ ମୋ ଭାରତ ମହି 

ଧରାଶାୟୀ ତାକୁ କରିବି ବୋଲିତ 

କଥା ଦେଇଅଛି ମୁହିଁ 

କ୍ରାନ୍ତି ଆଖିରେ ଅଗଷ୍ଟ ର ନିଆଁ 

ଜଳେ ହୁତୁହୁତୁ ହୋଇ...................

🌼

ସୀତାଂଶୁ ଜେନା