ଲାଇବ୍ରେରୀ
ପ୍ରୋଫାଇଲ୍
ବିଧୁରା ବିଶାଖା
ବିଧୁରା ବିଶାଖା
1 min
183
ବିଜୁଳି ଖେଳିଲା ବ୍ରଜ ଆକାଶରେ
ବିସାଖା ପ୍ରେମରେ ବାଈ
ବାଜିଲା ମୃଦଙ୍ଗ ଘୁମୁରି ଘୁମୁରି
ମୁରଲୀ ଗଲ ଗୋ କାହିଁ
ମୋର ବେଣୁପାଣି ବହିଲା ଉଜାଣୀ
ମୁଁଯେ ଆନମନା କାହିଁପାଇଁ
ବିଜୁଳି ଖେଳିଲା ବ୍ରଜ ଆକାଶରେ
ବିଶାଖା ପ୍ରେମରେ ବାଈ................
ବିତିଗଲା ଦିନ ଆସିଲା ରଜନୀ
କଜ୍ଜ୍ୱଳକୁ କଲା ଚୋରୀ
ପାଦର ପାହୁଡ଼ ବାଜେଣି ନୂପୁର
ଲାଗେ ମୋତେ ଭାରି ଭାରି
ଅଵଗୁଣ୍ଠନରେ ଆଲୁରା ପଡିଲା
ଚନ୍ଦନ ବାସିଲା ନାହିଁ
ବିଜୁଳି ଖେଳିଲା ବ୍ରଜ ଆକାଶରେ
ବିଶାଖା ପ୍ରେମରେ ବାଈ................
କାଆଗେ କହିବି ମୋ ମନର କଥା
ତୁମେତ ବୁଝିଲ ନାହିଁ
ଅଂଚଳ ମୋର ଭିଜିଲା ବଇଁଶୀ
ଗଣ୍ଡକୁ ଛୁଇଁଲା ଯାଇଁ
ମୋ ଲୁହରେ ତୁମ ଧୋଇଦେବି ପାଦ
ଆସ ମୋକଳା କନହେଈଁ
ବିଧୁରା ବିଶାଖା କଇଁ କଇଁ କାନ୍ଦେ
ତୁମକୁ ଗୋ ଶୁଭୁନାହିଁ..........
