ପାପ ହୁଏ ଅବକ୍ଷୟ

ଆଲୋକର ପର୍ବ ଅଟେ ଦୀପାବଳୀ

ଦୂର କରେ ଅନ୍ଧକାର

ସୁଖ ସୌହାଦ୍ଦ୍ୟ ର ପର୍ବ ଅଟେ ଏହି

ରୋଳ ଶୁଭେ ଘର ଘର ।।

ପାପ ତାପ କଷ୍ଟ ଦୁଃଖ ଯାତନା କୁ

ପଦାଘାତ କରି ସର୍ବେ

ଭାଇଚାରା ଭାବ ଆଣି ହୃଦୟ ରେ

ପାଳନ୍ତି ପରବ ଗର୍ବେ ।।

ରଙ୍ଗ ବେରଙ୍ଗ ର ସୁସଜ୍ଜିତ ଦୀପ

ଜଳୁଥାଏ ଘରେ ଘରେ

ଭାଇ ସାଙ୍ଗସାଥି ହୋଇଣ ଏକାଠି

ଫୁଟାନ୍ତି ବାରୁଦ ଧରେ ।।

ଅମାବାସ୍ୟା ର ସେ ଅମା ଅନ୍ଧକାର

ହଜିଯାଏ ଦୀପ ଜ୍ୱlଳେ

କର୍ମର ପ୍ରଦୀପ ଜଳୁଥାଏ ଜାଣ

ସାଧନା ବ୍ରତର ତୈଳେ ।।

ଧର୍ମ ଅଧର୍ମ ର କଳଙ୍କିତ ଯୁଦ୍ଧେ

ସତ୍ୟର ହୁଏ ବିଜୟ

ଅନ୍ଧକାର ଯାଇ ଆଲୋକ ଉଦ୍ଭାସେ

ପାପ ହୁଏ ଅବକ୍ଷୟ ।।