ନେବା ପାଇଁ ଜନ୍ମ ପରେ ଜନ୍ମ

ସ୍ୱପ୍ନ ର ଭାଷା ବୁଝି ଅବୁଝା ରହିଗଲି

ଯେତେବେଳେ ଜୀବନ କୁ ପାଖରୁ ଦେଖିଲି

ଦିନେ ପିଲାଦିନ ର ବାଲିଘର ଭାଙ୍ଗିଗଲା ବୋଲି

ମୋ ଲୁହର ବୁନ୍ଦା କୁ କଷ୍ଟ ର ନାମ ଦେଇଥିଲି

କିନ୍ତୁ ସମୟ ଜୁଆରରେ ଜୀବନର ଉତଥାଳ ତରଙ୍ଗରେ

କଷ୍ଟ ମୋତେ ବର୍ଷାର ବୁନ୍ଦା ଭଳି ଲାଗିଲା

ଯୋଉଦିନ ଯନ୍ତ୍ରଣା ର ସମୁଦ୍ରରେ ହଜିଗଲି!!

ଛୋଟ ଛୋଟ ମୁହୂର୍ତ୍ତ ର ସ୍ମୃତି ଆଲବମ ରେ କଏଦ କରି

ହୃଦୟ ର ଉତଫୁଲ୍ଲିତ ବେଳାକୁ ଲେଖନୀ ର ରଙ୍ଗ ଦେଲି

ଅନିର୍ବଚନୀୟ ଘଟଣାର ଘଟିତ ବେଳାଭୂମି ରେ ଡେଉଁ ଡେଉଁ

ଶାମୁକାସବୁ ସାଉଁଟିବାର ଅଦ୍ୟମ ଇଚ୍ଛା ଯେଉଁ ଦିନ

ଅସହାୟତା ର ଧୂମାଳ ଆସ୍ତରଣ ରେ ମିଶିଗଲା

ଆଶା ଧୂଳିସାତ ହେବାର ଧ୍ଵଂସ ସ୍ତୁପ ତଳେ ନିଜକୁ ଦାବିଦେଲି!!

ଆଜି ଶୂନ୍ୟତାର ଅଭାବି ବେଳାରେ ମୁଁ ଓ ମୋ ଏକୁଟିଆପଣ

ଖୋଲୁଥାଏ ସ୍ମୃତି ର ଫୋଟସବୁ ମନର ଆଲବମରେ

ପରଖୁଥାଏ କଏଦ ହୋଇଥିବା ଚୁନା ଚୁନା ଅତୀତ କୁ ଭାଙ୍ଗି ଗଢିବାର ଦଦରାପଣ କୁ ଏଡ଼ାଇ ଦେଇ ଆପଣେଇନିଏ ତଥାକଥିତ କର୍ମ ର ପଥ ପ୍ରାନ୍ତରେ ବଞ୍ଚିବାର ସମ୍ଭାବନାକୁ 

ହାରିବାର ଭୀଷ୍ମ ପ୍ରତିଜ୍ଞା ନେଇ ଆଗେଇ ଚାଲେ

ଅସମାହିତ ପ୍ରଶ୍ନ ର ଧରାରେ ନେବା ପାଇଁ ଜନ୍ମ ପରେ ଜନ୍ମ!!