ଛଦ୍ମ ବଜାର

ଆଞ୍ଜୁଳାଏ ସ୍ବପ୍ନକୁ ନେଇ

ଏ ଭଲ ଲୋକି ବଜାରରେ

ଆସିଥିଲି ସ୍ବପ୍ନକୁ ସଜାଡିବି ବୋଲି ᱾

ଟିକିଏ ମୂଲ ଚାଲରେ ଜଣାପଡେ

ତରାଜୁ ବଟକରା ଗରାଖ ବଣିକ

ସବୁ ଏଠି ଛଦ୍ମବେଶୀ ᱾

ପ୍ରତିଟି ପଥେ ହୁଏ ପଦାଘାତ

ସ୍ବପ୍ନ ଦେଖିବା ସତେକି ଥିଲା

ନିର୍ବୋଧତା ଅବା ଅପରାଧ ᱾

ଏଠି ସ୍ବପ୍ନ ସାଉଁଟୁ ସାଉଁଟୁ

ଆଜି ମୁଁ ପାଲଟି ଯାଇଛି

ବଜାରର ବିକ୍ରୟ ବସ୍ତୁ ᱾

କେତେ କେତେ ଚାଟୁକାର 

କେତେ ଖୋସାମତିଆ

ସାଜିଛନ୍ତି ଆଜି ବଜାର ମୁନିବ ᱾

ଲୁଟି ନିଅନ୍ତି ନିତି ଏଠି 

ଛଳ କପଟରେ

ମୋ ଆତ୍ମା ଆଉ ସ୍ବାଭିମାନ ᱾