କିଛି ଦିନ ଶ୍ରମିକ ହେଇଯିବା

ଚାଲ କିଛି ଦିନ ଶ୍ରମିକ ହେଇଯିବା

ଠିକା ଶ୍ରମିକ ନ ହେଲେ ଦାଦନ

ନିଜ ରାଜ ଉଆସର ଶୀତଳତା

ଛାଡି କିଛି ଦିନ ଅପନ୍ତରା ଇଲାକାରେ ଜିଁବା

କିଛିଦିନ ଉପାସରେ ବି ଜିଁବା

ଅନ୍ତତ ଦିନକୁ ଦି ଓଳି

ଆତ୍ମୀୟ ଠାରୁ ଖୁବ ଦୂରରେ

ଏକଦମ୍ ଏକାନ୍ତ ନିର୍ବାସନରେ ᱾

କିଛିଦିନ ପିନ୍ଧିବା ପାଇଁ ନ ଥାଉ

ଦେହକୁ କିଛିବି ସମ୍ମାନନୀୟ

ଚିରା ପୁଙ୍ଗୁଳା ଉନ୍ମୁକ୍ତ ଉଦର

ସହିଯିବା କିଛିଟା ଉପହାସ ᱾

ହାତ ପାହାନ୍ତାରେ ନ ଥାଉ

କିଛିବି କିଣିନେବାର କ୍ଷମତା

ହେଉ ହାତ ପତେଇବାର ଅଭ୍ୟାସ

ଆଉ କାହା ଅନୁଗ୍ରହ ତଳେ ᱾

କିଛିଦିନ ଚାଲିଥାଉ ଜୀବନ

ଏମିତି ଫୁଟପାଥର ଶେଜରେ

ହେଇଯାଉ ନିଶ୍ଚିହ୍ନ ସବୁ ପ୍ରଭେଦ

ଦିନ ରାତି ମଣିଷ ଆଉ ସ୍ବାନର ᱾

କିଛିଦିନ ପାଇଁ ବିସ୍ମୃତି ଯାଉ

ଯେତେ ସବୁ ଗୌରବ ଗରିମା

ଲଲାଟର ଯେତେ ସବୁ ଲାଲିମା

ଚାଲ କିଛିଦିନ ଶ୍ରମିକ ହେଇଯିବା ᱾