ତୁଳସୀ ପୂଜନ
ତୁଳସୀ ପୂଜନ
ଏ କଳି ଯୁଗରେ ତୁଳସୀ ପୂଜନ
ସବୁଠାରୁ ପୂଣ୍ୟ ହେଇ
ଶ୍ରଦ୍ଧା ଭକ୍ତି ବିଶ୍ୱାସରେ ପୂଜେ ଯିଏ
ପୂଣ୍ୟ ଫଳ ପାଇ ଥାଇ ।
ତୁଳସୀ ବୃକ୍ଷରେ ତେତିଶତ କୋଟି
ଦେବାଦେବୀ ଥାନ୍ତି ରହି
ସକାଳେ ତୁଳସୀ ମୂଳେ ଜଳ ଦେଲେ
ପୂଣ୍ୟ ଫଳ ପାଏ ସେହି ।
ତୁଳସୀ ପୂଜିଲେ ଭଗବାନ ବିଷ୍ଣୁ
ସନ୍ତୁଷ୍ଟ ଥାଆନ୍ତି ହେଇ
ତୁଳସୀ ପଡିଲେ ପ୍ରଭୁ ଜଗନ୍ନାଥ
କରି ଥାଆନ୍ତି ମଣୋହୀ ।
ମହା କାର୍ତ୍ତିକରେ ତୁଳସୀ ପୂଜନ
ସବୁଠାରୁ ତୀର୍ଥସ୍ଥାନ
ତୁଳସୀ ସେବିଲେ କ୍ଷଣିକ ଭିତରେ
ପାପ ହୁଅଇ ମୋଚନ ।
ତୁଳସୀ ଦେବୀଙ୍କୁ ପୂଜୁ ଥାଏ ଯିଏ
ବୈକୁଣ୍ଠ ପ୍ରାପତ ହୋଇ
ଭଗବାନ ବିଷ୍ଣୁ ଶୁଭ ଆଶୀର୍ବାଦ
ସର୍ବଦା ଯେ ରହି ଥାଇ ।
ତୁଳସୀ ତୋଳିବା କେତୋଟି ଦିବସେ
ବାରଣ ଯେ ଥାଏ ହେଇ
ନୀତି ନିୟମକୁ ମାନି ଚଳୁ ଥିଲେ
ପୂଣ୍ୟ ଫଳ ପାଇ ଥାଇ ।
ଅମାବାସ୍ୟା, ସଙ୍କରାନ୍ତି, ପୂର୍ଣ୍ଣିମାରେ
ତୁଳସୀ ତୋଳିବା ମନା
ଷଷ୍ଠୀ, ଦ୍ୱାଦଶୀ, ଗୁରୁ, ରବିବାରରେ
ଏ କଥା ମନୁ ଭୁଲନା ।
ତୁଳସୀଙ୍କୁ ପୂଜି ଦୀପ ଜଳାଇଲେ
ସଂସାର ସୁଖରେ ଚଳେ
କାର୍ତ୍ତିକ ମାସରେ ତୁଳସୀ ଚଉରେ
ଆକାଶ ଦୀପଟି ଜଳେ ।
ତୁଳସୀ ଗାଧୋଇ ମୁରୁଜ ପକେଇ
ଭକତି ନିଷ୍ଠାରେ ଯିଏ
ସତୀ ତୁଳସୀଙ୍କୁ ହୃଦୟରୁ ପୂଜେ
ନା କେବେ ହାରେ ସିଏ ।
ତୁଳସୀ ପୂଜନ ମହିମା ଅନେକ
ତୁଳସୀରେ ମୁକ୍ତି ଥାଏ
ତୁଳସୀ ପୂଜନେ କୁଳବଧୂଟିଏ
ସୌଭାଗ୍ଯବତୀଟି ହୁଏ ।
ଜଳନ୍ଧର ପତ୍ନୀ ସତୀ ବୃନ୍ଦାବତୀ
ଏ କଳି ଯୁଗ ତୁଳସୀ
ତୁଳସୀ ପୂଜନ ମୁକତି କାରଣ
ପୂଣ୍ୟର ଭରା କଳସୀ ।