ସ୍ମୃତି ଏକ ଫୁଲବନ
ସ୍ମୃତି ଏକ ଫୁଲବନ
ଶ୍ରାବଣେ ଶ୍ରାବଣୀ ସାଜିଥିଲା ବର୍ଷା
ଜୀବନ କଳସୀ ଧରି
ପୋଛି ନେଇଥିଲା ଆଖିରୁ କଜ୍ଜଳ
ପୋଛିଥିଲା ଅଶ୍ରୁବାରି I
ଶୀତଳ ମରୁରେ ମରୁଝର ହୋଇ
ଦେଲା ସୁଶୀତଳ ଜଳ
ବିସ୍ମୃତି ଗର୍ଭରୁ ବରଷାର ସ୍ମୃତି
ଆଖି କରେ ଛଳ ଛଳ I
ହଜିଛି ଶ୍ରାବଣ ଲୁଚିଛି ଶ୍ରାବଣୀ
ଶରତର କୋଳାହଳେ
ଅଥୟ ହେଉଛି ଭିଜାଭିଜା ମନ
ଛାଇ ଲେଉଟାଣି ବେଳେ I
ମୁରୁକି ହସୁଛି କାଶତଣ୍ଡୀ ବଣ
ହଲୁଛି ଅଳସୀ ନଈ
ପ୍ରୀତି ଫୁଲବନ ଝାଉଁଳି ଯାଇନି
ସରୋବରେ ହସେ କଇଁ I