ସଖୀ କଣ୍ଢେଇ
ସଖୀ କଣ୍ଢେଇ
ସଖୀ କଣ୍ଢେଇ ମୁଁ ସଖୀ କଣ୍ଢେଇ
ଦେଖେ ଯିଏ ମୋତେ ନିଏ କୋଳେଇ
ହାତ ଗୋଡ଼ ମୋର ଚଳ ଚଞ୍ଚଳ
ଅସ୍ଥିର ସ୍ଵଭାବ ନଥାଏ ସ୍ଥିର ।
ସୁନ୍ଦର ଧରାକୁ ନୂଆ ଆସିଛି
ଯାହାବି ଦେଖୁଛି ନୂଆ ଲାଗୁଛି
ଭଲ ଲାଗେ ଯାହା ଧରି ଖେଳଇ
ବାଧା ଦେଲେ ମୋତେ ମୁଁ ଚିଡ଼ଇ ।
ବାପା ବୋଉଙ୍କର ମୁଁ ଅଲିଅଳୀ
ଜେଜେ ମାଆଙ୍କର ସୁନା ଶଙ୍ଖାଳୀ
ମୋ ପାଖେ ଖାଇଲେ ମୁଁ ଥାଏ ଚାହିଁ
ନିଜେ ଖାଏନି କି ଖୋଇ ଦିଏନି
ତେଲ ମାରି ବୋଉ ଦିଏ ଗାଧୋଇ
ସଖୀ ଭଳି ଜାମା ଦିଏ ପିନ୍ଧେଇ
ମଥା ଓ ଗାଲରେ କଜଳ ମାରି
ସଜ କରେ ବୋଉ କଣ୍ଢେଇ ପରି ।।