ଲାଇବ୍ରେରୀ
ପ୍ରୋଫାଇଲ୍
ବିରହୀ ରାଧା
ବିରହୀ ରାଧା
1 min
260
କୁଞ୍ଜବନେ ଦେଖ ନନ୍ଦର ବଳା
ଗୋପୀଙ୍କର ସାଥେ କରୁଛି ଖେଳା
ମଥାରେ ବାନ୍ଧିଛି ମୟୂର ଚୁଳ
ଗଳାରେ ଝୁଲିଛି ଦୟଣା ମାଳ ସେ
ରାଧା ସାଥେ ରଚି ରାସ ଯେ
ପ୍ରୀତି ପରଶରେ ମନକୁ ବାନ୍ଧିଛି
ଦେଖିଣ ମନ ଉଲ୍ଲାସ ଯେ ।
କଳା କଳେବର ନନ୍ଦର ସୁତ
ଯଶୋଦା ନନ୍ଦନ ଦେବକୀ ପୁତ୍ର
ଗୋପୀ ଧନ ମଣି ଗଳାମାଳିଆ
ନୀଳାଚଳ ବାସୀ ନୀଳାଚଳିଆ ସେ
ବସନ୍ତ ରାସକୁ ଭୁଲି ଯେ
ଗୋପ ପୁର ଛାଡି ମଥୁରା ଗମିଲ
ଆଉ ନ ଆସିଲ ଚାଲି ଯେ ।
ବିରହୀଣି ରାଧା ମଉନେ ବସି
କହ୍ନେଇ ବାଟକୁ ଚାହିଁଛି ବସି
ବୁଝୁନି ଯମୁନା କଦମ୍ବ ମୂଳ
କୁଞ୍ଜବନ ଆଉ ରାଧା ତମାଳ ସେ
ଆସିଲେ ଋତୁ ଫଗୁଣ ଯେ
ପ୍ରାଣ ପ୍ରିୟା ମନ ଅଧୀର ପରାଣ
ବସନ୍ତ ରାସକୁ ଝୁରିଣ ଯେ ।
